SuperDizionari

plomp adi., s.m.

Metal une vore pesant e tenar, clâr e slusint a pene lavorât, al devente grîs a contat cul aiar

esemplis

"becins di plomp e di arint"

gjavât fûr di "Amîs come prime" di Alan Brusini

"al fâs une largje buse tes breis dal cuviert, al tire sù un bandon di plomp, lu plee e al cjale fûr"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

plomp s.m.inv., adi.inv.

Colôr grîs scûr, ancje in locuzions o metaforis

esemplis

"un cîl di plomp al tignive scuindût il soreli"

gjavât fûr di "Il drâc" di Gianfranco Pellegrini

plomp s.m.

Sigjîl fat di chel metal

esemplis

"par vierzi la casse bisugne rompi i plomps"

plomp s.m.

[TS] (tecn.) Pês di chel metal tacât insom di un fîl par vê un riferiment di linie verticâl

sinonims

plombin

esemplis

"il grop al svolà par aiar fin sot dai trâfs e po al tornà jù come un plomp"

gjavât fûr di "Chei di Martrent" di Riedo Pup

plomp s.m.

Cualsisei robe che e pese (fig.)

sinonims

pês

esemplis

"cuant che lu poiarin sul vert, cul so plomp cence vite, 'Sefut al veve i voi disledrosâts"

gjavât fûr di "Chel svampît di 'Sefut" di Maria Forte

plomp s.m.

(tipogr.) Leghe che e à dentri chel metal, doprade par fondi i caratars di stampe e par metonimie, ogni caratar o dute la composizion tipografiche fate cun chê leghe

esemplis

"cetancj cuintâi di plomp antiregjonalist tes rotativis talianis in chescj dîs!"

gjavât fûr di "La regjon in pericul" di Josef Marchet

plomp s.m.

Proietil di arme di fûc

esemplis

"a Cefalonie tancj soldâts talians a vevin pierdude la lôr muse zovine, sot il plomp dai todescs"

gjavât fûr di "Cjase di Dalban" di Maria Forte

"la plui brute Pasche, puar Vergjilio, e fo chê de Russie, cuant che une sborfade di plomp lu seà in pîts, te nêf"

gjavât fûr di "Vergjilio" di Riedo Pup

plomp s.m.

Il colâ jù

esemplis

"a colp un pît in fal, un zigo e un plomp e il scûr de trombe [dal fen] le glotè"

gjavât fûr di "Il muc" di Roberto Ongaro

"cumò chel grop di cuarps al rodole sul arzin, i claps a corin jù saltant fin ta la aghe, e po un plomp: la aghe e sclipignà, si savoltà, si inturbidì"

gjavât fûr di "La aghe da pît la cleve" di Dino Virgili

"Vergjilio lu cjapà [il cjadenaç, par netâlu] pal prin rimpin e lu butà un plomp ta la aghe fonde"

gjavât fûr di "Vergjilio" di Riedo Pup

monolengâl