SuperDizionari

monolengâl

plume s.f.
(plu-me)

Ognidune des formazions corniis che a cuvierzin i uciei, fatis di un as centrâl plui dûr di dulà che a partissin franzis laterâls, che a parin dal frêt e da la aghe, a permetin di svolâ, a puedin vê formis e colôrs particolârs

esemplis

"[i ôcs] a polsavin ta la ombrene lungje dal tor, si spulinavin cun impegn, tra plume e plume, a lavin ca e là cun ande plene di dignitât"

gjavât fûr di "I ôcs di Miute" di Maria Forte

"Berto e Faustin a rivarin denant di lôr mari cul cjapiel di alpin; che a parevin monuments, e la plume alte come la ponte di un confenon"

gjavât fûr di "Cjase di Dalban" di Maria Forte

plume s.f.
(plu-me)

Uciel (meton.)

esemplis

"ven ca un odôr di vert e cualchi plume / svolâ si viôt"

gjavât fûr di "Mi plasin..." di Enrico Fruch

plume s.f.
(plu-me)

[TS] (sport) Categorie di pês di ciertis dissiplinis, soredut dal pugjilât che tai professioniscj e rive fin a 57 kg

plume s.f.
(plu-me)

Persone che no si compuarte ben, che al è pôc ce fidâsi

sinonims

lane, blave, fiube

esemplis

"in Friûl a vignivin clamâts sot lis armis dusinte e trente fantats in dut e par dut, e la plui part e jerin di chês plumis che nissun vaìve la lôr partence"

gjavât fûr di "Cuintristorie dal Friûl fin sot la Italie" di Josef Marchet

detulis

"a semenâ un sac di plume, no si racuei mai plui"

"al è un trist uciel chel che nol puarte cun se la plume"

"che e ledi la plume pûr che al resti l'uciel"

"cui che al va daûr plume mai nol ingrume"

"de plume si cognòs l'uciel"

"miôr pierdi la plume che no l'uciel"

"se si semene un sac di plumis, al è dificil di racueilis"

"uciel che no si puarte la plume daûr, nol è uciel"

torne sù