Tu âs cirût la peraule
monolengâl
torne indaûr

monolengâl

poç s.m.
Buse fonde fate par tiere par tirâ sù aghe, pal solit cuntun murut, cidule e cuarde
esemplis
"un cjasâl grant cul poç tal mieç dal curtîl"
gjavât fûr di "Il Crist di Quilin" di Riedo Pup
"daspò di un bon temporâl, il poç si jemplave di aghe fin tal ôr"
gjavât fûr di "Il sium di Lissandri" di Franca Mainardis
"Guri al molave jù il seglot tal poç, la aghe nere e slusignave da fonts, e po al tirave fintremai che al comparive il seglot plen"
gjavât fûr di "La aghe da pît la cleve" di Dino Virgili
poç s.m.
Ognidun dai sgjâfs strets e fonts fats par tirâ sù risorsis minerariis che a son une vore insot tal teren
esemplis
"pai minadôrs improvisâts, lâ jù tal poç e je stade une esperience traumatiche"
gjavât fûr di "La emigrazion dal Friûl - Vignesie Julie te Belgjiche" di Francesco Micelli
"agns in mine a Charleroi a fâ i poçs des minis"
gjavât fûr di "Farcadice, diari di viaç" di Redazion Il Friuli
poç s.m.
Condot verticâl che al pues vê diviersis funzions in edilizie, inzegnarie, industrie e v.i.
esemplis
"tune stanziute cul barcon infereât suntun curtilut strent e sofegât tune lûs di poç, al spietà un procès par un mês a dilunc"
gjavât fûr di "Cjase di Dalban" di Maria Forte
"si à scuviert che il poç dai fîi eletrics des pompis di prese de aghe di mâr al veve une crevadure di 20 cm"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
poç s.m.
Foran naturâl intal teren, spec. une vore font
esemplis
"il fonts dal abìs Viganti al è stât tocjât dome intal 1949, par vie di une serie di poçs verticâi (un profont otante metris) e de mancjance di materiâi speleologjics"
gjavât fûr di "Abìs Viganti" di Aministrazion Publiche
poç s.m.
Cundizion esistenziâl, psicologjiche o sentimentâl negative o li che al è facil lâ dentri e dificil vignî fûr (fig.)
sinonims
buse
esemplis
"mi pâr di cjatâmi sul ôr [...] di un poç là che si viôt nome neri"
gjavât fûr di "I forescj" di Alan Brusini, Gian Paolo Linda
"jo o continuavi a lâ jù, dentri il poç striât de bielece di Geneviève"
gjavât fûr di "Il dolfin" di Carlo Sgorlon
poç s.m.
Robe o persone o situazion che e à o e da alc in tante cuantitât
sinonims
miniere
esemplis
"une tiere che e je «poç di ispirazion» – in gracie di un patrimoni siôr di tradizions, mîts e contis e di un paisaç une vore svariât"
gjavât fûr di "Art che e nas de nature e e torne ae nature" di Erika Adami
detulis
"a fuarce di cori sù e jù, ancje la cuarde e fruie la piere dal poç"
"a fuarce di lâ la sele tal poç, e lasse il mani"
"cuant che il poç al è sut, si sa trop che e vâl la aghe"
"cul lâ ator di gnot si cole tal poç"
"dal poç si gjave la aghe"
"e va tant la sele al poç, fin che e reste dentri"
"il mat al bute il clap tal poç e il savi al scuen gjavâlu"
"la cussience e je inneade tal poç"
"tant al va il cjaldîr tal poç che infin al reste"
torne sù