Tu âs cirût la peraule
monolengâl
torne indaûr

monolengâl

poiâ v.tr.
(po-iâ)
Meti jù, spec. cun atenzion, cun curie, in mût che al tocji, o che al stedi cul pês su alc che al è sot o in posizion tâl di sostignî
sinonims
meti jù
esemplis
"Miute e tirà fûr di sot la cotule, cence fâsi viodi, un sacut cui ûfs e i lu poià sul cjar"
gjavât fûr di "Baratâ" di Angelo Covazzi
"al pontave la vuate, al justave lis nassis che al poiave sot lis rostis di pantan"
gjavât fûr di "Il vivi al è chel rangjâsi" di Maria Forte
"metude la cole, a vegnin poiadis sul panel lis tessarutis e si tachin une dongje di chê altre"
gjavât fûr di "Mosaic, une art furlane" di Oscar Puntel
poiâ v.tr.
(po-iâ)
Meti partiere o meti vie o meti tal so puest o lassâ tun ciert puest alc che par un pôc no si dopre
sinonims
meti vie, meti jù, meti in bande, lassâ
esemplis
"finît il to bal, cuant che chê musiche mute e torne a sei dome un spazi vueit che nol vûl jemplâsi, alore tu pois lis scarpis"
gjavât fûr di "Milonghe" di Antescûr
poiâ v.tr.
(po-iâ)
Meti par scrit
sinonims
scrivi, meti
esemplis
"no jere la muart se al poiave une firme secont che lu vevin conseât"
gjavât fûr di "Ideis" di Meni Ucel
poiâ v.tr.
(po-iâ)
Sotignî cdn. o alc, jessint in cunvigne cu lis opinions o ancje judant tai fats (fig.)
sinonims
sostignî, tignî sù, judâ
esemplis
"Fausto [Schiavi] al dimostrà tante clarece di pinsîr e tante determinazion che intor di lui si formà un grup di personis che lu stimavin e lu poiavin"
gjavât fûr di "Tal non di Fausto Schiavi" di Adrian Cescje
"i Savorgnans a svilupin une politiche dinamiche, ancje dal pont di viste economic, che ju puarte a poiâ i popolârs e lis comunitâts rurâls intai scuintris cu la nobiltât feudâl"
gjavât fûr di "Il Friûl de Joibe Grasse dal 1511" di Carli Pup
poiâ v.tr.
(po-iâ)
Fondâ su argomentazions, su poiis concetuâls (fig.)
sinonims
basâ, fondâ, meti jù
esemplis
"chei furlans [...] a vevin capît che la autonomie a varessin vût di poiâle suntune fonde identitarie"
gjavât fûr di "Memoriis di politiche linguistiche" di Adrian Cescje
"tornâ ae storie nol è, duncje, pal cristian un tornâ indaûr ma un tornâ ae veretât gjenuine sedi de fede gjenerâl sedi de glesie locâl [...] Nome su cheste fonde storiche si po poiâ une pastorâl serie, al conclût pre Checo"
gjavât fûr di "Pre Checo e la storie" di Gian Carlo Menis
poiâ v.tr.
(po-iâ)
Fâ une azion che e compuarte un contat fisic
sinonims
dâ, dâ sot, rafilâ, scussâ, slungjâ, tirâ
esemplis
"Zuan al poià ancjemò une cjarece sul cjâf dal frut po si invià par lâ sù a durmî"
gjavât fûr di "La tiere di Lansing" di Maria Forte
"poiâ un pataf"
poiâ v.intr.
(po-iâ)
Jessi intun ciert puest, spec. parsore di alc
sinonims
poiâsi, jessi, stâ
esemplis
"la pipe ongjarese i poiave sul stomi, e spandeve bufulis di fum"
gjavât fûr di "Il Bulo di Crodio" di Maria Forte
"il palc di scjalâr pai sunadôrs al poie sun dôs cemplis voltadis cu la bocje injù"
gjavât fûr di "La aghe da pît la cleve" di Dino Virgili
"su la plane [dai barcons] a poin vâs di canelons florîts o di sclopons"
gjavât fûr di "Corpus Domini" di Pieri Somede dai Marcs
poiâ v.intr.
(po-iâ)
Fâ sintî, fâ viodi, fâ notâ il pês
sinonims
pesâ, cjalcjâ
esemplis
"no si inacuarzeve nancje di no savê ridi; lui ancjemò cussì zovin. Su la muse lis pleis suturnis da la anime, i poiavin ancje plui agn"
gjavât fûr di "La tiere di Lansing" di Maria Forte
poiâ v.intr.
(po-iâ)
Stâ sù suntune cierte fonde (fig.)
sinonims
basâsi, fondâsi, jessi sore, poiâsi, vê base, vê fonde
esemplis
"il Sindic, siôr Talico Gavot, gastalt dal cont, al poiave suntune salde maiorance"
gjavât fûr di "La aghe da pît la cleve" di Dino Virgili
poiâ v.intr.
(po-iâ)
[TS] (mar.) Slontanâ la prore di une imbarcazion a vele de direzion di indulà che al rive l'aiar par favorî la azion su lis velis
torne sù