SuperDizionari

pols s.m.

Part dal cuarp che e corispuint ae articolazion jenfri man e braç

esempi

"i presonîrs a jerin jentrâts te ghebe, peâts, un cul altri, midiant di une cjadene che ur strenzeve i pols"

da "La clape" di Gianni Gregoricchio

pols s.m.

Batude dal sanc, soredut se si sint poiant un dêt te vene che e passe par chê articolazion

esempi

""Coragjo, che mi dei la man… un pols che al va e che al ven [...]""

da "Ursule" di Pieri Somede dai Marcs

"al veve dome cuarante tucadis di pols par minût e che dibot nol veve la fuarce di stâ in pîts"

da "I prâts des Savodagnis" di Agnul di Spere

pols s.m.

Fuarce, capacitât di imponisi (fig.)

sinonimi

medole, gnerf

esempi

"o ai cjolte la femine di pols, di chês di une volte"

da "Come tai romançs" di Alan Brusini

monolingue