SuperDizionari

polse s.f.
(pol-se)

Il polsâ, il tornâ a cjapâ fuarcis molant il lavôr, lis diviersis ativitâts e ancje durmint

sinonims

padin, polsade, ripôs

esemplis

"si visave des polsis lungjis che al faseve ancje lui, di zovin, distirât sul cjar, cui braçs e lis gjambis a larc e il cjapiel sui voi"

gjavât fûr di "Prime di sere" di Carlo Sgorlon

"difûr de ostarie a jerin inmurâts dai anei di fier, di pueste par peâ lis bestiis in polse"

gjavât fûr di "La aghe da pît la cleve" di Dino Virgili

"i vues rots tal lavôr di ogni dì [te stagjon di emigrants], si ricreavin in chescj prins dîs di polse"

gjavât fûr di "Lis predicjis dal muini" di Josef Marchet

Viôt ancje: pousse, pausse

polse s.f.
(pol-se)

[BF] Segn lassât tun jet, tun sofà, tune poltrone e v.i. di cualchidun che al è stât parsore

esemplis

"une malinconie che a crodevin aromai bonade: la scunute de Lene, il sofà ancjemò cu lis polsis di Dalban…"

gjavât fûr di "Cjase di Dalban" di Maria Forte

polse s.f.
(pol-se)

Interval di timp vueit, libar o ancje dedicât a alc altri jenfri dôs dadis di timp di une cualsisei ativitât

sinonims

fermade, interuzion, interval, soste, sospension, ferme, jenfri, ripôs

esemplis

"al jere il so mistîr chel di fâ il cjaradôr. [...] Tai moments di polse, al judave la femine a sgropolâ chei doi cjamputs che i davin la polente"

gjavât fûr di "L'avôt" di Maria Forte

polse s.f.
(pol-se)

[TS] (mus.) Fermade dal sun o dal cjant segnade inte notazion musicâl

polse s.f.
(pol-se)

[TS] (mat.) Toc di diagram cartesian, che si davuelç in maniere paralele al as des assissis

polse s.f.
(pol-se)

[TS] (fis.) Assence di moviment o fermade dal moviment di un cuarp o di un fenomen fisic

sinonims

cuiete, stât di cuiete, stât di polse

monolengâl