SuperDizionari

popolâr adi.
(po-po-lâr)

Dal popul, che al ven dal popul, intindût tant che complès di citadins

esemplis

"la volontât popolâr pandude par viis pacifichis e democratichis e rapresente l'unic riferiment dal procès democratic di soluzion dal conflit"

gjavât fûr di "Un troi gnûf pe pâs: lis propuestis di bascs e curdis a Vignesie pe soluzion politiche dai conflits" di Carli Pup

"il popul, cussì, al è obleât a cedi la sô sovranitât a personis che magari nancje nol cognòs e che doman a guviernaran no daûr il mandât popolâr"

gjavât fûr di "...come che e diseve la gjate di Aquilee" di Josef Marchet

Viôt ancje: populâr

popolâr adi.
(po-po-lâr)

Relatîf al popul, intindût tant che complès dai stâts sociâi plui puars

esemplis

"la repression des classis popolârs, la vuere teroristiche cuintri de resistence borboniche, la distruzion des pussibilitâts di svilup de Italie meridionâl e des isulis e la concentrazion dal podê economic in Piemont e in Lombardie a son fats storics cognossûts"

gjavât fûr di "La colonie" di Sandri Carrozzo

popolâr adi.
(po-po-lâr)

Une vore cognossût e benvolût

esemplis

"[Pieri Fontanin e Jacum Viole] a deventaran i curadôrs dal "Cjar mat", une trasmission di informazion e satire tra lis plui popolârs dai prins agns di Onde Furlane"

gjavât fûr di "Un Friûl difarent: i 90 mhz di Onde Furlane" di Max Mauro

"Jo crôt che sedin ben pocjis personis, / che propri, mai no vein vidût il mus. / [...] / [...] / par chest il mus, che al sedi, a mi pâr, / une bestie une vore popolâr"

gjavât fûr di "Il mus" di Pieri Masut

popolâr adi., s.m.
(po-po-lâr)

[TS] (polit.) Che, cui che al è di ispirazion cristiane e di posizion conservadore plui o mancul moderade

esemplis

"une altre propueste e rivà ai 20 di Fevrâr di un trop di eurodeputâts dal grup popolâr"

gjavât fûr di "La Cjarte di Strasburc dal 1981. Une Risoluzion “storiche” e ancjemò di atualitât" di Marc Stolf

"cui tignive pai socialiscj, [...] cui stave cui «popolârs»"

gjavât fûr di "Chei di Muraie" di Pieri Menis

monolengâl