SuperDizionari

pratic adi.
(pra-tic)

Che al à caratar reâl e concret o che al à a ce fâ cu la realizazion o cu la situazion concrete

esemplis

"no saressie stade par me une providence se ves pensât un pôc di plui al mio avignî, ocupantmi in cualchi ogjet plui pratic e sigûr, intune peraule, se fra lis dôs stradis o ves sielte la plui curte e profitevul?"

gjavât fûr di "Trê Rafaei in jerbe" di Luigi Gortani

"cuant che in Friûl e je rivade la Italie e àn stât pôc a fâ il confront reâl e pratic fra la ministrazion austriache e chê taliane"

gjavât fûr di "Franz Josef e Garibaldi" di Riedo Pup

pratic adi., s.m.
(pra-tic)

Che, cui che al abade dome o soredut ae realtât concrete des robis

sinonims

concret, franc, operatîf, pragmatic, realistic, sfrancjât

esemplis

"pûr se di par se no si sintive la anime poetiche o romantiche (jê si svantave di sei une femine pratiche), e jere restade prin maraveade e po dute incjantade a viodi chel lûc di paradîs"

gjavât fûr di "Il sium di Lissandri" di Franca Mainardis

pratic adi.
(pra-tic)

Che al è facil e comut di doprâ, fâ, puartâ, meti in vore o sim., che al fâs ben la sô funzion

sinonims

funzionâl

esemplis

"o vin di vê sotman e daurman une vore [lessicografiche] pratiche , concrete e vonde complete, che nus permeti di impirâ une peraule o une part di discors cence sudâ frêt"

gjavât fûr di "Pai furlans di vuê" di Antoni Beline

"un librut di 64 pagjinis, formât opuscul, par tant une vore pratic di puartâsi daûr"

gjavât fûr di "Spilimberc" di Bruno Sedran

pratic adi.
(pra-tic)

Di cdn., che al à esperience, competence, cognossince

sinonims

competent, espert, franc, industriât, cognossidôr, savût

esemplis

"lis ondis sbatevin simpri plui fuart, e ogni volta che lis dôs barcjis pareva che dovessin tocjâsi, una gnova ondada lis divideva indaûr. "Daitnus un rem" al disè Jacun; ma il pescjadôr, pratic di chel davoi, no si fidava"

gjavât fûr di "Il me paîs" di Federigo Comelli

"a vevin propit dibisugne di un bon fari, pratic di tempare"

gjavât fûr di "Il muc" di Roberto Ongaro

"cussì o deventai pratic, cence volêlu, di dutis lis sôs usancis e i siei oraris"

gjavât fûr di "Il dolfin" di Carlo Sgorlon

monolengâl