SuperDizionari

premi s.m.
(pre-mi)

Ricognossiment che si da o che si cjape par une vitorie o par un merit

esemplis

"tal 1984 [...] Carlo Rubbia al vinç il premi Nobel"

gjavât fûr di "Cuintristorie dal Nûfcent 1980-1990" di Angelo Floramo

"une grant fieste, bandierinis pardut, cualchi arc di vert in prin dai borcs, zûcs corsis, cucagne, la bande in place e sul tart a saltaran fûr i premis de lotarie"

gjavât fûr di "L'ultin cordo" di Pieri Somede dai Marcs

premi s.m.
(pre-mi)

Risultât concret o ricompense morâl o moment o element che al fâs plasê e che al pues jessi calcolât consecuence di un impegn o di un merit

sinonims

ricognossiment, ricompense, paie

esemplis

"prin o dopo, a lis personis cussienziosis tal lôr lavôr, ur ven il premi"

gjavât fûr di "Il muc" di Roberto Ongaro

"pe none Catine nissun premi nol sarès vonde in riparazion di ducj i tribui che e à scugnût patî in vite"

gjavât fûr di "Trê feminis" di Gianni Gregoricchio

premi s.m.
(pre-mi)

[TS] (dir.lav.) Gratificazion dade ai dipendents parsore de paie normâl

esemplis

"si stente a capî cun ce criteri che al va dât un premi straordenari al personâl di un ufici comunâl (chel dal dazi) che al à fat nome il so dovê"

gjavât fûr di "Jerarchie" di Josef Marchet

premi s.m.
(pre-mi)

[TS] (econ.) Intai sistemis monetaris che si fondin sul aur, il valôr in plui de unitât monetarie aurie a pet di chê di cjarte

premi s.m.
(pre-mi)

[CO] (cum.) Sume che si paie an par an par une polize assicurative

esemplis

"La assicurazion! E lu disè cuasi a vôs alte. Al jevà sù in pîts, di scat, cui voi discocolâts. Che e sedi ancjemò valide? [...] Sì, il premi al jere stât paiât"

gjavât fûr di "Un piçul particolâr" di Fabian Ros

monolengâl