Hai cercato la parola
monolingue
Torna indietro

monolingue

preparât adi.
(pre-pa-rât)
Che al è fat o metût intune cierte disposizion o cun cierts furniments par une operazion, ativitât e v.i.
esempi
"la campagne e jere dute une fieste di colôrs, il maron dai cjamps preparâts pal forment, il vert dai prâts, il zâl dal soreâl"
da "Prime di sere" di Carlo Sgorlon
preparât adi.
(pre-pa-rât)
Che al è pront, che al è in cundizion di frontâ alc
sinonimi
pront, parât
esempi
"o jerin zovins e plens di vite e no jerin preparâts a murî, no mi vergogni a disi che il rumôr dai canons e des pistolis mi faseve vaî"
da "Lady Marmalade" di Checo Tam
""Vevis almancul di visâmi par che o fos plui preparade.""
da "Co l'amôr al cimie" di Costantino Smaniotto
preparât adi.
(pre-pa-rât)
Che al à competence intun ciert setôr in graciis di une formazion teoriche e pratiche
sinonimi
alenât, competent
esempi
"a coventin insegnants preparâts cuntune abilitazion ricognossude"
da "Memoriis di politiche linguistiche" di Adrian Cescje
"nissun o scuasi nissun dai umign preparâts e competents di chenti nol podè mai meti la çate tes facendis di cualchi impuartance"
da "Fûr cui che i tocje" di Josef Marchet
preparât s.m.
(pre-pa-rât)
Sostance chimiche o farmaceutiche che e derive di une elaborazion, cu la presince di plui elements
sinonimi
preparazion
esempi
"poiâ une gote di colorant e spietâ dîs minûts, par che e puedi agjî sul preparât"
da "Esperiments par furlan" di AAVV
preparât s.m.
(pre-pa-rât)
Confezion alimentâr cui plui ingredients za dosâts par fâ un ciert prodot
esempi
"un preparât par purè di patatis in buste"
proverbi
"cuant che il ben no si lu vûl, il mâl al è preparât"
"cui che nol vûl il ben, il mâl al è preparât"
Torna in Cima