Tu âs cirût la peraule
monolengâl
torne indaûr

monolengâl

preparazion s.f.
(pre-pa-ra-zi-on)
Operazion o complès di operazions che a coventin par che alc o cdn. al sedi pront
esemplis
"[il contrat cun docents esternis] nol cuvierç oris extra pe preparazion dai materiâi, pe progjetazion e pe programazion"
gjavât fûr di "Insegnament dal furlan – la norme “in situazion”: tra regulis e plan de ufierte formative" di Patrizia Pavatti
preparazion s.f.
(pre-pa-ra-zi-on)
Il dâ o il cuistâ competencis par fâ alc
esemplis
"une scuele che [...] e garantissi une preparazion, che e puedi dâ ai zovins une formazion adate a esigjencis e marcjâts di lavôr specifics"
gjavât fûr di "La emigrazion dal Friûl - Vignesie Julie tai Stâts Unîts" di Javier Grossutti
preparazion s.f.
(pre-pa-ra-zi-on)
Competencis cuistadis
sinonims
alenament, competence, esercizi, esperience
esemplis
"Alessandro Volta al invente la pile eletriche sul fondament di une speculazion filosofiche cence poiâsi al formalisim matematic (nol veve nancje une buine preparazion)"
gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
preparazion s.f.
(pre-pa-ra-zi-on)
Misture farmaceutiche o cosmetiche, preparât
sinonims
preparât
esemplis
"daûr de sience mediche ocidentâl, cuasi ducj i efiets terapeutics des siencis medichis tradizionâls [...], che a àn doprât a miârs di sostancis e preparazions, a puedin jessi associâts al efiet placebo"
gjavât fûr di "Neurosiencis dal dolôr" di Franc Fari
preparazion s.f.
(pre-pa-ra-zi-on)
Mangjâ fat cuntune cierte complessitât
sinonims
pitance, plat
esemplis
"[la peraule "strudel"] e je la origjin etimologjiche ancje di une altre preparazion tipiche de Sclavanie, ben imparintade cu la gubane: i štruki"
gjavât fûr di "La gubane, o ben la fortune di jessi la puarte de Europe orientâl" di Sandri Carrozzo
preparazion s.f.
(pre-pa-ra-zi-on)
[TS] (milit.) Fase ofensive de bataie par preparâ la fase di atac principâl tes cundizions plui di favôr
preparazion s.f.
(pre-pa-ra-zi-on)
[TS] (mus.) Procediment armonic par fâ plui vualîf il passaç di un acuardi dissonant a un consonant cul meti tal prin la note di base dal secont
preparazion s.f.
(pre-pa-ra-zi-on)
[TS] (sport) Fase di alenaments, pal solit prime de stagjon, par jentrâ in forme pe ativitât sportive
esemplis
"isal pussibil rindisi cont che la preparazion e i alenaments no son fats ben dome ae fin di Fevrâr?"
gjavât fûr di "Genoa - Udinese 2-1" di Marc Stolf
torne sù