SuperDizionari

monolengâl

preparât adi.
(pre-pa-rât)

Che al è fat o metût intune cierte disposizion o cun cierts furniments par une operazion, ativitât e v.i.

esemplis

"la campagne e jere dute une fieste di colôrs, il maron dai cjamps preparâts pal forment, il vert dai prâts, il zâl dal soreâl"

gjavât fûr di "Prime di sere" di Carlo Sgorlon

preparât adi.
(pre-pa-rât)

Che al è pront, che al è in cundizion di frontâ alc

sinonims

pront, parât

esemplis

"o jerin zovins e plens di vite e no jerin preparâts a murî, no mi vergogni a disi che il rumôr dai canons e des pistolis mi faseve vaî"

gjavât fûr di "Lady Marmalade" di Checo Tam

""Vevis almancul di visâmi par che o fos plui preparade.""

gjavât fûr di "Co l'amôr al cimie" di Costantino Smaniotto

preparât adi.
(pre-pa-rât)

Che al à competence intun ciert setôr in graciis di une formazion teoriche e pratiche

sinonims

alenât, competent

esemplis

"a coventin insegnants preparâts cuntune abilitazion ricognossude"

gjavât fûr di "Memoriis di politiche linguistiche" di Adrian Cescje

"nissun o scuasi nissun dai umign preparâts e competents di chenti nol podè mai meti la çate tes facendis di cualchi impuartance"

gjavât fûr di "Fûr cui che i tocje" di Josef Marchet

preparât s.m.
(pre-pa-rât)

Sostance chimiche o farmaceutiche che e derive di une elaborazion, cu la presince di plui elements

sinonims

preparazion

esemplis

"poiâ une gote di colorant e spietâ dîs minûts, par che e puedi agjî sul preparât"

gjavât fûr di "Esperiments par furlan" di AAVV

preparât s.m.
(pre-pa-rât)

Confezion alimentâr cui plui ingredients za dosâts par fâ un ciert prodot

esemplis

"un preparât par purè di patatis in buste"

detulis

"cuant che il ben no si lu vûl, il mâl al è preparât"

"cui che nol vûl il ben, il mâl al è preparât"

torne sù