SuperDizionari

pretese s.f.
(pre-te-se)

Il domandâ o il volê cun fuarce alc che si è in dirit di vê o ancje parsore di ce che si è in dirit di vê

esemplis

"pretese di vê plui di ce che si à, di jessi plui di ce che si è"

gjavât fûr di "B123ST" di Raffaele Serafini

""Une mostre di femenate e veve la pretese che i fitàs la cjase, e parcè che i ai dit di no, mi à dit di dut…""

gjavât fûr di "Cjase di fitâ" di Pieri Somede dai Marcs

Viôt ancje: pratese

pretese s.f.
(pre-te-se)

Ce che si domande cun fuarce

sinonims

domande, esigjence

esemplis

"lis pretesis che a metin fûr di une bande e di chê altre [...] a son tant in contrast che no si po viodi di ce bande che e podarès vignî une sclaride"

gjavât fûr di "Sierâ i voi par no viodi" di Josef Marchet

pretese s.f.
(pre-te-se)

Ande di cui che al pense di jessi superiôr, di jessi in dirit di domandâ cualsisei robe

sinonims

ambizion, supierbie, albasie, pofardie, braùre

esemplis

"al ere une volte un fari brâf del so mistîr, ma cussì plen di pretese, che, a sintîlu lui, al mangjave la fave sul cjâf a ducj i artiscj che a erin sot la cape dal cîl"

gjavât fûr di "Il mestris ore ducj i mestris" di Luigi Gortani

monolengâl