SuperDizionari

monolengâl

procurâ v.tr.
(pro-cu-râ)

Fâ in maniere di vê alc o fâ in maniere che cdn. al vedi alc

esemplis

"al jere stât il taramot di pôcs dîs, in Svuizare a vevin scomençât a mandâ jutoris ai furlans, e il Fogolâr al cirive di coordenâ lis robis par procurâ ce che al coventave di plui"

gjavât fûr di "Visâsi di chel puint radio" di Alan Brusini

"ce che no i vignive tal ort, e mandave i siei fîs a procurâlu tai orts di chei altris, di gnot"

gjavât fûr di "Gjalinis" di Meni Ucel

procurâ v.tr.
(pro-cu-râ)

Fâ in maniere che al sedi un ciert efiet, une cierte consecuence

sinonims

produsi, puartâ, causâ, causionâ

esemplis

"chê sensazion di pôre e di muart che la peraule bataie e procure"

gjavât fûr di "Come tai romançs" di Alan Brusini

"la prime tirade [di fum di spagnolet] i procurà un lunc inzirli"

gjavât fûr di "Tal ospedâl" di Amedeo Giacomini

procurâ v.tr., v.intr.
(pro-cu-râ)

Impegnâsi par otignî alc, par rivâ a un obietîf, ancje cence la sigurece di rivâ

sinonims

dâi daûr, doprâsi, impleâsi, inzegnâsi, manezâsi, sfuarçâsi, smaniâsi, spindisi, impegnâsi, cirî, viodi, proviodi, tentâ, provâ

esemplis

"jê, sentade dongje dal jet, e procurave di sveâlu"

gjavât fûr di "Blancje come la nêf" di Andreina Nicoloso Ciceri

"sant Pieri cjalant di brut al procurave di sghindâsi e di passà vie cidin par no vê da fâ cun chê baronie"

gjavât fûr di "Il voli di chest mont" di Catarine Percude

"almancul si tente, si procure"

gjavât fûr di "I furlans e la blave" di Riedo Pup

detulis

"dulà che no je nature, inzen al procure"

torne sù