Hai cercato la parola
monolingue
Torna indietro

monolingue

procurâ v.tr.
(pro-cu-râ)
Fâ in maniere di vê alc o fâ in maniere che cdn. al vedi alc
esempi
"al jere stât il taramot di pôcs dîs, in Svuizare a vevin scomençât a mandâ jutoris ai furlans, e il Fogolâr al cirive di coordenâ lis robis par procurâ ce che al coventave di plui"
da "Visâsi di chel puint radio" di Alan Brusini
"ce che no i vignive tal ort, e mandave i siei fîs a procurâlu tai orts di chei altris, di gnot"
da "Gjalinis" di Meni Ucel
procurâ v.tr.
(pro-cu-râ)
Fâ in maniere che al sedi un ciert efiet, une cierte consecuence
sinonimi
produsi, puartâ, causâ, causionâ
esempi
"chê sensazion di pôre e di muart che la peraule bataie e procure"
da "Come tai romançs" di Alan Brusini
"la prime tirade [di fum di spagnolet] i procurà un lunc inzirli"
da "Tal ospedâl" di Amedeo Giacomini
procurâ v.tr., v.intr.
(pro-cu-râ)
Impegnâsi par otignî alc, par rivâ a un obietîf, ancje cence la sigurece di rivâ
sinonimi
dâi daûr, doprâsi, impleâsi, inzegnâsi, manezâsi, sfuarçâsi, smaniâsi, spindisi, impegnâsi, cirî, viodi, proviodi, tentâ, provâ
esempi
"jê, sentade dongje dal jet, e procurave di sveâlu"
da "Blancje come la nêf" di Andreina Nicoloso Ciceri
"sant Pieri cjalant di brut al procurave di sghindâsi e di passà vie cidin par no vê da fâ cun chê baronie"
da "Il voli di chest mont" di Catarine Percude
"almancul si tente, si procure"
da "I furlans e la blave" di Riedo Pup
proverbi
"dulà che no je nature, inzen al procure"
Torna in Cima