Tu âs cirût la peraule
monolengâl
torne indaûr

monolengâl

profum s.m.
(pro-fum)
Odôr bon, che al plâs
sinonims
bon odôr
esemplis
"al veve respirât la arie pure e il profum des danis"
gjavât fûr di "Cretevierte" di Roberto Ongaro
"sintî ancjemò il profum / dai çariesârs in flôr, / chel da violutis sot la cise"
gjavât fûr di "Lunis di Pasche su la Mont Cuarine" di Maria Gioitti del Monaco
"je tornade Primevere / cul profum di mil odôrs / dut il mont al mude ciere / ducj a tornin i colôrs"
gjavât fûr di "Cisilute" di Arturo Zardini
Viôt ancje: sprofum, prafum, parfum, sprafum, sparfum
profum s.m.
(pro-fum)
Essence o prodot che al mande un odôr bon, che si met su la persone, in ambients o robis par che a plasin di plui, o ancje par cuvierzi odôrs no tant bogns
sinonims
balsim, bonodôr, aghe di bonodôr
esemplis
"e pierdeve un grum di timp daûr de sô persone. Si dave sù il profum che Fatime i veve regalât. E stave te vascje dal bagn ancje miezis oris"
gjavât fûr di "Ombris tal infinît" di Carlo Sgorlon
profum s.m.
(pro-fum)
Sensazion biele, sensazion di plasê (fig.)
esemplis
"lis peraulis a dismontavin te nestre anime beromai sglonfe de ore di sore sere e travanade dal profum dai ricuarts"
gjavât fûr di "Vieri e gnûf" di Pieri Piçul
profum s.m.
(pro-fum)
Caratar tipic (fig.)
esemplis
"chi si respire propit il profum de Londre trasgressive"
gjavât fûr di "Mosaic di gjernaziis" di Checo Tam
profum s.m.
(pro-fum)
Prospetive, sperance o ilusion di alc di positîf (fig.)
esemplis
"el profum da la aventure cuntun siôr forest"
gjavât fûr di "Viaç a Vignesie" di Arturo Feruglio
torne sù