Hai cercato la parola
monolingue
Torna indietro

monolingue

profum s.m.
(pro-fum)
Odôr bon, che al plâs
sinonimi
bon odôr
esempi
"al veve respirât la arie pure e il profum des danis"
da "Cretevierte" di Roberto Ongaro
"sintî ancjemò il profum / dai çariesârs in flôr, / chel da violutis sot la cise"
da "Lunis di Pasche su la Mont Cuarine" di Maria Gioitti del Monaco
"je tornade Primevere / cul profum di mil odôrs / dut il mont al mude ciere / ducj a tornin i colôrs"
da "Cisilute" di Arturo Zardini
Vedi anche: sprofum, prafum, parfum, sprafum, sparfum
profum s.m.
(pro-fum)
Essence o prodot che al mande un odôr bon, che si met su la persone, in ambients o robis par che a plasin di plui, o ancje par cuvierzi odôrs no tant bogns
sinonimi
balsim, bonodôr, aghe di bonodôr
esempi
"e pierdeve un grum di timp daûr de sô persone. Si dave sù il profum che Fatime i veve regalât. E stave te vascje dal bagn ancje miezis oris"
da "Ombris tal infinît" di Carlo Sgorlon
profum s.m.
(pro-fum)
Sensazion biele, sensazion di plasê (fig.)
esempi
"lis peraulis a dismontavin te nestre anime beromai sglonfe de ore di sore sere e travanade dal profum dai ricuarts"
da "Vieri e gnûf" di Pieri Piçul
profum s.m.
(pro-fum)
Caratar tipic (fig.)
esempi
"chi si respire propit il profum de Londre trasgressive"
da "Mosaic di gjernaziis" di Checo Tam
profum s.m.
(pro-fum)
Prospetive, sperance o ilusion di alc di positîf (fig.)
esempi
"el profum da la aventure cuntun siôr forest"
da "Viaç a Vignesie" di Arturo Feruglio
Torna in Cima