SuperDizionari

promesse s.f.
(pro-me-sse)

Declarazion di impegnâsi, cun cdn. o cun se stes, a fâ alc, a dâ alc e v.i.

sinonims

impromesse

esemplis

"si lassìn cu la promesse di sintîsi te prossime matinade"

gjavât fûr di "Ah! la provincie" di Sandri Di Suald

"no si sintive di fâ promessis, che nol saveve ancjemò se al sarès stât bon di mantignî"

gjavât fûr di "Il sium di Lissandri" di Franca Mainardis

promesse s.f.
(pro-me-sse)

Impegn di maridâsi (par anton.)

sinonims

impromission, promission

esemplis

"doi gjenitôrs a vevin une biele fie di maridâ e al va un fantat a fâ l'amôr e ur dîs: "Indomenie o fasarìn la promesse""

gjavât fûr di "I stupits" di Andreina Nicoloso Ciceri

promesse s.f.
(pro-me-sse)

Cui che al palese tantis capacitâts intune ativitât, spec. sportive, fasint previodi une vore di sucès pal avignî (fig.)

esemplis

"Titute duncje al jere une promesse, al veve ducj i numars par fâ strade"

gjavât fûr di "Chei di Muraie" di Pieri Menis

promesse s.f.
(pro-me-sse)

Ce che si è puartâts a previodi o a sperâ pal avignî (fig.)

sinonims

impromesse

esemplis

"ju cjatà sentâts sul sofà, ducj sbarlufîts, ma cuntune gnove lûs tai voi. No jere une lûs di timp di vuere, cence costrut, cence avignî, ma une lûs che iluminave un futûr plen di promessis, di siums e di sperancis"

gjavât fûr di "Il muc" di Roberto Ongaro

monolengâl