Hai cercato la parola
monolingue
Torna indietro

monolingue

pront adi.
Che al è za te cundizion di podê fâ alc, di podê funzionâ, di podê jessi doprât e v.i.
sinonimi
al ordin, a plomp, in ordin, in pront, in sest, parecjât, prontât
esempi
"«O soi vignût, ancje, a domandâus se si po vê daurman une cjame di cinc mil modons. O ai vût une domande propit vuê… Sono pronts?»"
da "La tiere di Lansing" di Maria Forte
"a ora di cena, al era dut pront: la tavala granda in cjasa, cu la polentona sul taeir, il companadi e la bevanda par omis, femini e canais"
da "La agna Mariana" di Novella Cantarutti
pront adi.
Che al à une disposizion mentâl favorevule
sinonimi
disponibil, puartât
esempi
"int che e sarès pronte a paiâ cence discuti [...] ma che e domande une robe, une sole: di capî e di savê trop che e à di paiâ"
da "Par paiâ al vûl mistîr" di Riedo Pup
"al jere pront a judâ ducj e cu lis sôs matetâts al faseve fâ simpri cualchi ridade di gust"
da "La ultime baronade" di Pieri Somede dai Marcs
pront adi.
Che al interven intal moment just, che al è svelt a intervignî
esempi
"ancje se di lontan a començave a srodolâsi un vosâ imberdeât, nissun al ere cussì pront di provâ a fermâmi"
da "Kebar krossè" di Stiefin Morat
""Po ben!" e rispuindè pronte jê "Cemût che e sedi, la vuestre strade no je la mê""
da "Trê feminis" di Gianni Gregoricchio
proverbi
"cuant che lis vacjis a van e a tornin di mont, un montanon al è pront"
"cui che al sta ben di une bande al cjate il mâl pront daûr de puarte"
"in cent mil par un fasan a àn la cane pronte in man"
"lis disgraciis a stan simpri prontis tant che lis taulis in ostarie"
Torna in Cima