SuperDizionari

proponi v.tr.
(pro-po-ni)

Presentâ alc, spec. une iniziative, une ativitât e v.i., a cdn. par viodi se e ven acetade, fate buine, metude in vore e v.i.

sinonims

conseâ, presentâ, meti fûr, sugjerî, segnalâ

esemplis

"la femine e cjacarave, e cjacaronave, i dave conseis, i proponeve curis, ma lui nol stave a sintîle"

gjavât fûr di "Tal ospedâl" di Amedeo Giacomini

"un consei comunâl nol po fâ nuie di nuie di sô autoritât: al po nome proponi cualchi proviodiment, che il prefet al aprovarà o nol aprovarà"

gjavât fûr di "No sin contents!" di Josef Marchet

proponi v.tr.
(pro-po-ni)

Presentâ tant che ipotesi

sinonims

prossumâ, meti, sugjerî

esemplis

"[pal document "De attentione"] D'Aronco al va daûr di Cuargnâl e di date al propon ce plui ce mancul il 1440"

gjavât fûr di "Cualchi ipotesi sul furlan di prin di scrivilu" di Zorç Cadorin

"Gjilbert Pressac si veve proponût di motivâ il titul, schiarazzola marazzola, cun cheste etimologjie: [...] charax par schiarazzola, ancjemò presinte tal furlan moderni scjaraç, ven a stâi racli, baston, e marathon, che par grêc antîc al voleve dî fenoli, par marazzola"

gjavât fûr di "Benandants e Terapeutis / Terapeutidis" di Sandri Carrozzo

proponi v.tr.
(pro-po-ni)

Meti a disposizion, meti sot de atenzion

sinonims

presentâ, promovi, pandi

esemplis

"isal pussibil, ven a stâi proponi tal forest tescj di grancj autôrs furlans?"

gjavât fûr di "Interviste a Ivan Cecchini" di Dree Venier

monolengâl