SuperDizionari

proporzion s.f.
(pro-por-zi-on)

Rapuart di misure jenfri doi o plui elements

sinonims

misure, rapuart, relazion

esemplis

"si regjistre un aument di cirche 29 ponts percentuâi, passant dal 39,4% al 68,8%, te proporzion di popolazion che e à une istruzion secondarie"

gjavât fûr di "La istruzion superiôr garantide a gratis e vierte a ducj" di Janez Erat

"la politiche linguistiche [pal aranês] e à permetût di mantignî la proporzion di feveladôrs e e à fat cressi il lôr numar assolût di plui di mil personis"

gjavât fûr di "Une riflession su lis politichis linguistichis" di Xavier Lamuela

proporzion s.f.
(pro-por-zi-on)

Corispondence juste, relazion juste

esemplis

"lis consecuencis che tu varâs di sopuartâ no varan proporzion cui risultâts che il popul e la nestre int a podaran otignî"

gjavât fûr di "Int di masnade" di Alviero Negro

proporzion s.f.
(pro-por-zi-on)

Corispondence armoniche di une part rispiet al dut o di plui parts che a formin un complès

sinonims

ecuilibri, simetrie

esemplis

"[l'om vitruvian] al rapresente lis proporzions perfetis dal cuarp uman"

gjavât fûr di "Dree Venier, i Gnognosaurs" di Laurin Zuan Nardin

"lis proporzions [tes figuris de are di Ratchis] a son alteradis: i braçs a son plui luncs dal cuarp, mans grandis e pîts une vore piçui"

gjavât fûr di "Storie de art in Friûl" di Bepi Agostinis

proporzion s.f.
(pro-por-zi-on)

Tal pl., estension, grandece

sinonims

estension, grandece, impuartance, pês, rilevance, valôr

esemplis

"un rilêf di modestis proporzions dulà che o podìn viodi la Madone cul Frutin"

gjavât fûr di "Storie de art in Friûl" di Bepi Agostinis

monolengâl