SuperDizionari

protagonist s.m., adi.
(pro-ta-go-nist)

Che, cui che al à la part primarie intune opare teatrâl, intun cine, intun romanç e v.i.

esempi

"Das Eskimobaby dal todesc Heinz Schall zirât intal 1918 [...] al viôt tant che protagoniste la stele dal cine mut Asta Nielsen"

da "Il cine groenlandês tra art e impegn politic" di Fabian Ros

"straordenarie la interpretazion des dôs atoris protagonistis: Aina Clotet (Elisa di grande) e Clàudia Pons (Elisa di piçule)"

da "Il cine di Jordi Cadena" di Fabian Ros

protagonist s.m.
(pro-ta-go-nist)

Personaç plui impuartant di une opare leterarie, teatrâl, cinematografiche e v.i.

esempi

"o jeri usât a lei storiis dulà che il protagonist al jere protet di une sorte di corace dal destin"

da "Il dolfin" di Carlo Sgorlon

"cuant che un eroi si cjate in dificoltât e dut al è pierdût, il nestri autôr al invente il svaniment e il protagonist si cjate no si sa cemût… tun ospedâl"

da "Sense" di Checo Tam

protagonist s.m.
(pro-ta-go-nist)

Cui che al à une part di prin plan intune vicende reâl (fig.)

esempi

"cirî di ricostruî i fats [...] nol è facil stant lis diferencis tai ricuarts dai protagoniscj"

da "Un Friûl difarent: i 90 mhz di Onde Furlane" di Max Mauro

monolingue