Hai cercato la parola
monolingue
Torna indietro

monolingue

protestâ v.intr., v.tr.
(pro-tes-tâ)
Pandi che no si è dacuardi, che si è cuintri di alc
sinonimi
bruntulâ, contindi, contrastâ, dâ cuintri, dâ sù, fâ cuintri, lagnâsi, lamentâsi, oponisi
esempi
"al è stuf di chei che a protestin, stuf di chei che no ur va ben mai nuie"
da "Contis sot spirt" di Raffaele Serafini
"Tilde e protestà che e voleve jessi cun lôr, ma Nedo le preà di restâ"
da "Trê feminis" di Gianni Gregoricchio
"al jere stât usât tal sanatori, e al acetave dut, cence protestâ mai, cuntune sorte di rassegnazion dolorose"
da "Aiar di cjase" di Franca Mainardis
protestâ v.tr.
(pro-tes-tâ)
Dî a clâr, cun fuarce, cun decision, cirint di convinci chei altris
sinonimi
declarâ, manifestâ, palesâ, pandi, professâ, testâ
esempi
"nol podeve dâsi pâs e al protestave la sô inocence"
da "Cretevierte" di Roberto Ongaro
"la Filologjiche e varès protestade la sô primarietât su dutis chês altris sociis"
da "Memoriis di politiche linguistiche" di Adrian Cescje
protestâ v.tr.
(pro-tes-tâ)
[TS] (dir.) Fâ une azion pal mancjât paiament di un titul di credit
esempi
"protestâ une cambiâl"
protestâ v.tr.
(pro-tes-tâ)
[TS] (cum.) Refudâ une partide di robe parcè che no sarès de cualitât domandade
proverbi
"i prins a protestâ a son i massepassûts"
Torna in Cima