Hai cercato la parola
monolingue
Torna indietro

monolingue

provincie s.f.
(pro-vin-ci-e)
[TS] (stor.) Te antichitât romane, teritori concuistât di Rome e metût sot la jurisdizion di un alt funzionari
esempi
"daspò dal 150 p. di C. si zontin ancje la provincie di Macedonie (che e veve sot ancje la Grecie) e chê di Afriche (che e jere formade di une part dai dominis di Cartagjin [...])"
da "La struture politiche e sociâl romane" di Sandri Carrozzo
provincie s.f.
(pro-vin-ci-e)
Teritori e organisim teritoriâl cun autonomie aministrative, cun competencis diviersis a seconde dal lûc e dal moment storic, che te Republiche Taliane al è nivel di mieç tra comun e regjon
esempi
"Aquilee si cjate in provincie di Udin e in diocesi di Gurize"
da "Pe unitât di glesie in Friûl" di Francesc Placerean
"a legjiferâ e jere la Diete de Provincie, o Land: da cjâf al jere il cjapitani provinciâl, nomenât dal Imperadôr jenfri i elets"
da "Autonomie tal Friûl austriac" di Ferruccio Tassin
"il prin nucli agricul popolât di un grup avonde grues di contadins furlans al è nassût no tant lontan di Reconquista, tal Nord de provincie di Santa Fe"
da "La emigrazion dal Friûl - Vignesie Julie in Argjentine e in Uruguay" di Javier Grossutti
"lis provinciis dal Canadà e da la Australie a son scuasi come stâts federâts"
da "Trê salts tal scûr: costituzion - republiche - autonomie" di Josef Marchet
provincie s.f.
(pro-vin-ci-e)
Complès dai paîs piçui o des citâts mancul impuartantis, spec. cun riferiment al fat che si dîs che a son indaûr a nivel culturâl e sociâl rispiet ae realtât plui urbane
esempi
" il politicantut di provincie che al rive adore di deventâ conseîr comunâl o deputât, se nol vûl tornâ indaûr, al scugnarà consegnâ la sô cussience civîl ae direzion dal partît"
da "Dissipline" di Josef Marchet
"un editoriâl cu lis solitis su la delincuence che a no rispiete plui nancje la provincie (no 'nd è plui religjon)"
da "Ah! la provincie" di Sandri Di Suald
Torna in Cima