SuperDizionari

monolengâl

proviodi v.intr.
(pro-vio-di)

Impegnâsi par rivâ a un ciert risultât, par vê un ciert efiet, par che alc al sedi fat, par cjatâ e meti in vore une soluzion e v.i.

sinonims

viodi, procurâ, stâ daûr

esemplis

"o proviodarai jo di comedâ la robe"

gjavât fûr di "Il muc" di Roberto Ongaro

"la aministrazion de cjosse publiche e je ancjemò medievâl, che la leç no rive a proviodi pe juste distribuzion dai mieçs"

gjavât fûr di "Cirî la caritât" di Josef Marchet

"pai dams a proviodin lis sigurazions"

gjavât fûr di "Vieri e gnûf" di Pieri Piçul

Viôt ancje: projodi, provedê

proviodi v.tr.
(pro-vio-di)

Fâ vê alc (ancje fig.)

sinonims

procurâ, dâ, furnî

esemplis

"proviodi chei furniments che a coventin o che a van ben intune glesie"

gjavât fûr di "Lis predicjis dal muini" di Josef Marchet

detulis

"a cui che al crôt, diu al proviôt"

"cui che nol à cjaval e al proviôt scorein, siele e spiron, se al vûl al è un mincjon"

"Diu al viôt e al proviôt"

"ognidun che al proviodi ai câs siei"

torne sù