SuperDizionari

provocâ v.tr.
(pro-vo-câ)

Jessi cause o origjin di un efiet, di une consecuence, di une reazion e v.i.

sinonims

causâ, origjinâ, stiçâ, movi, dismovi, fâ nassi, produsi

esemplis

"[la grafie] e à di jessi semplice e no à di provocâ problemis pratics te riproduzion mecaniche dai tescj"

gjavât fûr di "La grafie furlane normalizade" di Xavier Lamuela

"il sucès des dôs operazions al provocà un grant entusiasim popolâr"

gjavât fûr di "Zuan Batiste Cavedalis - Une vite esemplâr" di Giovanni Pillinini

provocâ v.tr.
(pro-vo-câ)

Fâ alc di pueste par sustâ cdn.

sinonims

tirâ a ciment, stiçâ, sustâ

esemplis

""[...]Cui che al fume nol ven considerât un bon patriot!... No bisugne fumâ par no fâ guadagnâ al guviar [austriac]!..." [...] "[...] I soldâts e van fûr a spas cun doi sigars in bocje, par provocâ la int..." "

gjavât fûr di "In cîl e je une stele!..." di Arturo Feruglio

"Rico lu provocave, lu coionave parcè che chel frut al jere grues"

gjavât fûr di "I nemîs" di Checo Tam

provocâ v.tr.
(pro-vo-câ)

Compuartâsi in maniere di causâ ecitazion sessuâl

sinonims

ecitâ

esemplis

""[...] mi incjoche cul so profum. O varès voie di fâ l’amôr ma…" "Ti provoche e vonde. Tu tu sês dome un zugatul par jê. Jê e à dome voie di jessi adulade [...]""

gjavât fûr di "Ecstasy" di Checo Tam

monolengâl