SuperDizionari

provocâ v.tr.
(pro-vo-câ)

Jessi cause o origjin di un efiet, di une consecuence, di une reazion e v.i.

sinonimi

causâ, origjinâ, stiçâ, movi, dismovi, fâ nassi, produsi

esempi

"[la grafie] e à di jessi semplice e no à di provocâ problemis pratics te riproduzion mecaniche dai tescj"

da "La grafie furlane normalizade" di Xavier Lamuela

"il sucès des dôs operazions al provocà un grant entusiasim popolâr"

da "Zuan Batiste Cavedalis - Une vite esemplâr" di Giovanni Pillinini

provocâ v.tr.
(pro-vo-câ)

Fâ alc di pueste par sustâ cdn.

sinonimi

tirâ a ciment, stiçâ, sustâ

esempi

""[...]Cui che al fume nol ven considerât un bon patriot!... No bisugne fumâ par no fâ guadagnâ al guviar [austriac]!..." [...] "[...] I soldâts e van fûr a spas cun doi sigars in bocje, par provocâ la int..." "

da "In cîl e je une stele!..." di Arturo Feruglio

"Rico lu provocave, lu coionave parcè che chel frut al jere grues"

da "I nemîs" di Checo Tam

provocâ v.tr.
(pro-vo-câ)

Compuartâsi in maniere di causâ ecitazion sessuâl

sinonimi

ecitâ

esempi

""[...] mi incjoche cul so profum. O varès voie di fâ l’amôr ma…" "Ti provoche e vonde. Tu tu sês dome un zugatul par jê. Jê e à dome voie di jessi adulade [...]""

da "Ecstasy" di Checo Tam

monolingue