SuperDizionari

puartâ dongje loc.v.

Tal sens leterâl, puartâ di un lûc plui lontan a un lûc mancul lontan, ancje sotintindint a cjase, te sô proprietât e v.i.

esemplis

"o vevi juste trê minûts par tressâ la strade [...] e montâ sù sul autobus che a mi varès puartât dongje de stazion"

gjavât fûr di "Al è simpri cualchidun che al è “plui mancul” di te" di Marc Stolf

"si metè a puartâ dongje cu la cosse la fuee dal Fossalat"

gjavât fûr di "Il fi de Rosse" di Pieri Menis

puartâ dongje loc.v.

Procurâ alc che al covente (ancje ass.)

sinonims

puartâ a cjase

esemplis

"il stalîr i puartave dongje ce mangjâ e vistîts di massarie"

gjavât fûr di "I trê cjadreons" di Andreina Nicoloso Ciceri

"a lavoravin ce a cjase ce pal mont, e ducj a puartavin dongje la lôr part, a sparagnavin, a ingredeavin, a cuistavin, e i afârs ur lavin benon"

gjavât fûr di "Lis predicjis dal muini" di Josef Marchet

"no jere mai bondance in cjase sô, ancje se Bertin al puartave dongje"

gjavât fûr di "Cjase di Dalban" di Maria Forte

puartâ dongje loc.v.

Vê, otignî o ricevi

sinonims

puartâ a cjase

esemplis

"in Italie no simpri si puartin dongje risultâts dome par i merits che un al à, ma invezit tantis voltis par vie di altris resons…"

gjavât fûr di "Elio, citadin furlan" di Alberto Zeppieri

monolengâl