Tu âs cirût la peraule
monolengâl
torne indaûr

monolengâl

puint s.m.
Costruzion che e passe e che e permet di passâ parsore di aghis, fossôrs o ancje parsore di stradis
esemplis
"l'umbriçon dal mont par lui al jere il puint de ledre in Coscjâl, trê trâfs e sîs breis butâts su la roie che e rive di Grions"
gjavât fûr di "Il puint de ledre" di Agnul di Spere
"a rivavin ae puarte di Sant Pieri, al domo cu la place par lâ jù sul puint dal Diaul tun slambri di vert e di lûs, che subit dopo al jere Borc di Puint"
gjavât fûr di "Come tai romançs" di Alan Brusini
"sul puint di Braulins / al è passât un asin / cu la cossute / plene di luvins"
gjavât fûr di "Sul puint di Braulins" di Popolâr
"a vevin taiât la culine par fâ sù un puint, e sot e passave la strade gnove, che e lassave fûr il paîs"
gjavât fûr di "Prime di sere" di Carlo Sgorlon
Viôt ancje: pont, punt
puint s.m.
Element di union, di colegament (fig.)
sinonims
colegament, leande
esemplis
"[il vecjo Dalban al sperave di] viodi la musute di chel picinin che al varès puartât il so non indenant tai agns. Come un puint jenfri il passât e l'avignî de famee"
gjavât fûr di "Cjase di Dalban" di Maria Forte
"il patrimoni linguistic dai arlêfs al ven incressût cu la creazion di puints continuis tra lis lenghis e rivant a une comprension ricetive des lenghis “vicinis”"
gjavât fûr di "La tutele de lenghe furlane a scuele" di Patrizia Pavatti
puint s.m.
Vacance fra doi dîs di fieste (fig.)
esemplis
"martars e je fieste, alore lunis al è puint"
puint s.m.
[TS] (mar.) Ognidun dai plans orizontâi di une nâf
puint s.m.
[TS] (autom.) Intun veicul a motôr, as denant o daûr cu la trasmission interne
sinonims
puint dal motôr
puint s.m.
[TS] (tecn.) Supuart dai arbui des ruedutis dintadis di un orloi
puint s.m.
[TS] (med.) Protesi che e cjape il puest di dincj che a mancjin e che si poie su dincj ancjemò bogns
sinonims
protesi a puint
puint s.m.
[TS] (anat.) Part ventrâl dal metencefal
esemplis
"il tronc dal encefal (indulà che si puedin ricognossi la medole slungjade, il puint, il mesencefal e il cervelet)"
gjavât fûr di "La evoluzion dal cerviel e de cussience tai vertebrâts" di Franc Fari
puint s.m.
[TS] (edil.) Plan di breis o breons li che si cjamine intune armadure
puint s.m.
[TS] (marang.) Bree di 35-40 mm
detulis
"aghe cidine e ruvine i puints, lime sordine e ruvine lis cjasis"
"il misteri de Santissime Trinitât al è plui grant dal puint maiôr"
"la aghe e ruvine i puints e il vin il cjâf"
torne sù