SuperDizionari

pulît adi.
(pu-lît)

Che al à une superficie cence iregolaritâts e cence pontis o sim.

sinonims

vualîf, slis, regolâr, avuâl

esemplis

"ai prins di Avost, dut il Friûl - la plane, la culine, lis monts - al jere tosât e pulît come un ort"

gjavât fûr di "I furlans e i prâts" di Riedo Pup

pulît adi.
(pu-lît)

Fat ben, cun cure e precision

sinonims

puntuâl, precîs, just, regolâr

esemplis

"la schede presentade dal siôr Cristin, pulide, ordenade, documentade, e je stade paiade 500 francs"

gjavât fûr di "Il furlan al jentre in tribunâl" di Riedo Pup

pulît adi.
(pu-lît)

Che nol à sporcjisie, impuritâts o ancje che nol à colpe, pecjât, tristerie e v.i.

sinonims

net

esemplis

"doi voi pulîts tant che la aghe di mont"

gjavât fûr di "Trê feminis" di Gianni Gregoricchio

pulît adi.
(pu-lît)

Che al va daûr des normis de creance

sinonims

fin, finet, creançôs, creançât, educât

esemplis

"un bocon di om par là, il cont: misurât, educât, nol berghelave mai, pulît"

gjavât fûr di "Il façolet dal Dacian" di Riedo Pup

pulît av.
(pu-lît)

In maniere considerade buine o intune cualsisei maniere positive

sinonims

ben, cemût che Diu al comande, cemût che si dêf, just, te maniere juste, come che Diu comande, come che si dêf

esemplis

"ti tratarà pulît / e ti amarà il marît"

gjavât fûr di "Par lis gnocis Campiut-Fabris" di Pieri Çorut

"a Bidin no i coventà resonâ tant a dilunc par decidisi... E dut al le pulît"

gjavât fûr di "Chei di Martrent" di Riedo Pup

"la femine si met di impegn e lis cuei cussì pulît che a nasavin bon par dut il borc"

gjavât fûr di "Lis pernîs" di Andreina Nicoloso Ciceri

monolengâl