SuperDizionari

puntuâl adi.
(pun-tu-âl)

Che al rive o al sucêt o al fâs alc intal moment che al jere previodût, cence ritardâ

sinonims

just, precîs, in orari, in pont

esemplis

"nuie zîrs turistics, duncje. Puntuâl jo, puntuâl il bus, o jeri za in viaç"

gjavât fûr di "Al è simpri cualchidun plui mancul di te" di Marc Stolf

"a lis vot, mi soi presentât puntuâl tal gno banc"

gjavât fûr di "La fabriche dai predis" di Antoni Beline

puntuâl adi.
(pun-tu-âl)

Che al fâs alc cun cure e precision

sinonims

precîs, curient

esemplis

"Domeni di Tumieç, plui che artist rivoluzionari e che si stache di chei altris, si cualifiche tant che un sensibil e puntuâl interprete de fede popolâr"

gjavât fûr di "Storie de art in Friûl" di Bepi Agostinis

puntuâl adi.
(pun-tu-âl)

Che al sucêt o che al è individuât intun moment o intun contest precîs, che nol è continuât o gjeneralizât

sinonims

isolât

esemplis

"di là di fats puntuâi, si à di lavorâ par fâ in mût che il furlan e chês altris lenghis di minorance de regjon (todesc e sloven) a vegnin acetâts come elements di fonde di ce che o sin e a vegnin sintûts come une ricjece di cheste tiere"

gjavât fûr di "Furlan in Regjon 3/Interviste a Claudio Violino" di Redazion Lenghe.net

puntuâl adi.
(pun-tu-âl)

[TS] (mat.) Dal pont gjeometric

monolengâl