SuperDizionari

radicâl adi.
(ra-di-câl)

[TS] (bot.) Che al rivuarde lis lidrîs di une plante

radicâl adi.
(ra-di-câl)

Che al rivuarde o che al va a tocjâ i aspiets di sostance di alc (fig.)

sinonimi

fondamentâl

esempi

"chestis domandis a son no sientifichis intun sens une vore plui intrinsic e radicâl: no puedin nancje jessi formuladis in tiermins sientifics"

da "Teologjie algjebriche" di Sergio Cecotti

radicâl adi.
(ra-di-câl)

Che al agjìs o al sucêt in maniere complete e svelte (fig.)

sinonimi

complet, da pît insom, decisîf, definitîf, drastic, fin insom, fûr par fûr, totâl

esempi

"une soluzion globâl, radicâl, definitive dal probleme"

da "I furlans e il disarmo" di Riedo Pup

"che al rivuarde o che al va a tocjâ i aspiets di sostance"

da "No stait a vê pôre di vê coragjo" di Antoni Beline

radicâl adi., s.m.
(ra-di-câl)

[AF] (polit.) Di ideologjie, partît politic, moviment, singul individui impegnât in politiche o te societât e v.i., che al pretint mudaments svelts e profonts, cun posizions che a puedin mudâ daûr dal contest storic

esempi

"il gjornâl “La concordia” di Turin, un sfuei di tindince mazziniane e radicâl, al publicave un violent articul cuintri Cavedalis"

da "Zuan Batiste Cavedalis - Une vite esemplâr" di Giovanni Pillinini

"forsi al è propit ce che si vûl a Madrid par crevâ une volte par dutis cualsisei rapuart tra ambients nazionaliscj moderâts e radicâi"

da "Bascs, il dirit dineât" di Carli Pup

radicâl adi.
(ra-di-câl)

[TS] (ling.) Che si riferìs o che al è part de lidrîs di une peraule

radicâl s.m.
(ra-di-câl)

[TS] (mat.) Ogni lidrîs di un cualsisei radicant

radicâl s.m.
(ra-di-câl)

[TS] (chim.) Ce che al reste di une molecule organiche cence un o plui atoms di idrogjen

monolingue