SuperDizionari

monolengâl

ragn s.m.

Animâl invertebrât dal ordin dai Araneidis, cun vot çatis che al bute fûr fîi par fâ telis che i permetin di cjapâ insets

esemplis

"in sium tremendis bestiis i comparivin: ragns verts, cu lis sgripis pelosis e i vogluts ros"

gjavât fûr di "Cretevierte" di Roberto Ongaro

"Rossella no veve pôre di nuie, ni dai ragns, ni dal temporâl, ni da lis striis"

gjavât fûr di "La pôre di Rossella" di Stefania Garbin

Viôt ancje: rai

ragn s.m.

[CO] (bot.com.) Spec. tal pl., plante des Ranunculaciis, tignude par ornament e ancje par proprietâts medisinâls, lat.sient. Nigella damascena

ragn s.m.

[TS] (venat.) Imprest par oselâ fat di un pâl li che a son fissadis bachetis che a tignin in tension un spali impeolât di visc

esemplis

"«[...] si doprilu par cjapâ passaris». [...] «Si clamilu ragn juste apont par vie che i uciei a restin impeolâts tal visc tant che lis moscjis intune tele di ragn»"

gjavât fûr di "Il timp par ledrôs" di Mario De Apollonia

detulis

"cuant che il ragn al ties la tele, la massarie e po metile a suiâ"

"il ragn cu la sô tele al cjape moscjis ma no moscjons"

"ragn vuadagn"

torne sù