SuperDizionari

rampit adi.
(ram-pit)

Che al è caraterizât di autenticitât e purece, che nol à altris elements o contaminazions (ancje fig.)

sinonims

pûr, sclet, rût, arût, autentic, vêr, patoc, sôl

esemplis

"une aghe che e cor rampide e cidine ta la ombrene"

gjavât fûr di "Un riul tra Venit e Friûl" di Dino Virgili

"une veretât rampide e cence incjant"

gjavât fûr di "L'aventari pal barcon" di Maria Forte

"al jere libar, rampit, cence fisimis o prejudizis di nissune fate"

gjavât fûr di "Il dolfin" di Carlo Sgorlon

rampit adi.
(ram-pit)

Pûr di un pont di viste morâl tradizionâl, che nol à vût rapuarts sessuâi

sinonims

pûr, cast, vergjin

esemplis

"dilunc la strade ducj e butavin aghe sante parcè che la nuvice e ves di jentrâ rampide te cjase gnove"

gjavât fûr di "Amîs come prime" di Alan Brusini

rampit adi.
(ram-pit)

Tant che rinfuarcitîf, par dî che alc o cdn. al è propit intune cierte maniere

sinonims

autentic, biel e bon, crei, naturâl, patoc, perfet, piturât, rût, sclet, spacât, spudât, vêr

esemplis

"al si cjatà issofàt, / crot rampit, inte val di Gjosafat"

gjavât fûr di "Il judizi universâl" di Zaneto Del Puppo

"e jere restade bessole rampide in chest mont"

gjavât fûr di "Lis predicjis dal muini" di Josef Marchet

"la sere, che al è scûr rampit e a saran nûf, dîs oris [...]"

gjavât fûr di "Storie di Min" di Ivano Urli

monolengâl