Hai cercato la parola
monolingue
Torna indietro

monolingue

rampit adi.
(ram-pit)
Che al è caraterizât di autenticitât e purece, che nol à altris elements o contaminazions (ancje fig.)
sinonimi
pûr, sclet, rût, arût, autentic, vêr, patoc, sôl
esempi
"une aghe che e cor rampide e cidine ta la ombrene"
da "Un riul tra Venit e Friûl" di Dino Virgili
"une veretât rampide e cence incjant"
da "L'aventari pal barcon" di Maria Forte
"al jere libar, rampit, cence fisimis o prejudizis di nissune fate"
da "Il dolfin" di Carlo Sgorlon
rampit adi.
(ram-pit)
Pûr di un pont di viste morâl tradizionâl, che nol à vût rapuarts sessuâi
sinonimi
pûr, cast, vergjin
esempi
"dilunc la strade ducj e butavin aghe sante parcè che la nuvice e ves di jentrâ rampide te cjase gnove"
da "Amîs come prime" di Alan Brusini
rampit adi.
(ram-pit)
Tant che rinfuarcitîf, par dî che alc o cdn. al è propit intune cierte maniere
sinonimi
autentic, biel e bon, crei, naturâl, patoc, perfet, piturât, rût, sclet, spacât, spudât, vêr
esempi
"al si cjatà issofàt, / crot rampit, inte val di Gjosafat"
da "Il judizi universâl" di Zaneto Del Puppo
"e jere restade bessole rampide in chest mont"
da "Lis predicjis dal muini" di Josef Marchet
"la sere, che al è scûr rampit e a saran nûf, dîs oris [...]"
da "Storie di Min" di Ivano Urli
Torna in Cima