Hai cercato la parola
monolingue
Torna indietro

monolingue

raspâ v.tr.
(ras-pâ)
Passâ un materiâl cu la raspe
esempi
"raspe ben i grops dal len prime di doprâ la plane"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
raspâ v.tr.
(ras-pâ)
Di robe di mangjâ o di bevi, lassâ une sensazion di ruspi tal cuel (fig.)
esempi
"un vin che al raspe tal cuel"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
raspâ v.tr.
(ras-pâ)
Passâ cu lis ongulis o cu lis çatis o ancje cun altris part dal cuarp, in maniere che al sedi un contat fuart e strissinât (ancje ass.)
sinonimi
rascjâ, gratâ
esempi
"Fido in ferme da pît de scjale dal gjalinâr, al raspave cu lis talpis par tiere"
da "Lis çuculis dal Gjigjo" di Pieri Menis
"si sintive il lapâ dal gjat sot la taule, po il raspâ de lenghe sul plat"
da "Varc di confin" di Maria Forte
raspâ v.tr.
(ras-pâ)
Rivâ a tirâ dongje o a tirâ sù cul ristiel o cun alc altri che si strissine par tiere
esempi
"cun chel fen che a raspavin sù pe Mont Grande, a tignivin a passi par cualchi mês ad an mo une bestie mo une altre di cualchidun dal paîs"
da "La vacje" di Meni Ucel
raspâ v.tr.
(ras-pâ)
Rivâ a otignî in cualchi maniere, soredut cuntune cierte dificoltât par vie de pocje bondance o ancje cun cualchi iregolaritât (fig.)
esempi
"tancj progjets di ogni sorte e di ogni cualitât che a rivavin des scuelis par raspâ un flic di contribût regjonâl"
da "Memoriis di politiche linguistiche" di Adrian Cescje
raspâ v.tr.
(ras-pâ)
Robâ, puartâ vie alc cence permès e cence dirit (fig.)
sinonimi
becolâ, camufâ, curâ, fâ fûr, foti, freâ, rangjâ, raspuçâ, sgarfâ, sgrafonâ, gasparâ, robâ, sgrifignâ
esempi
"al sarès stât un miracul a salvâ alc,… cun chei ladrons che a rivavin in curt… Di sigûr i mucs si saressin butâts a raspâ dut"
da "Cjase di Dalban" di Maria Forte
proverbi
"daspò brusâts i lens si raspe lis stielis"
"daspò mangjât il vidiel si raspe la padiele"
"finîts i lens, si raspin lis stielis"
Torna in Cima