Hai cercato la parola
monolingue
Torna indietro

monolingue

ream s.m.
(re-am)
Stât o domini cun regjim monarchic, là che il sorestant al à il titul di re
esempi
"774: Carli re dai Francs, clamât dal pape, al cjape il ream langobart. No vegnin invadûts nome i ducâts di Spoleto, Benevento e chel Furlan"
da "Rotgaut e la politiche furlane langobarde" di Sandri Carrozzo
"la anession dal Friûl al ream di Italie e à fat cressi i flus migratoris pai Imperis centrâi"
da "La emigrazion furlane in Austrie e in Gjermanie" di Matteo Ermacora
ream s.m.
(re-am)
Domini di une divinitât o dimension metafisiche, religjose
esempi
"Diu si jere manifestât in dute la so potence! Al jere tornât tal so Ream celest!"
da "Conversions" di Checo Tam
"la dutrine teologjiche su la salvece eterne e previodeve trê destins: il paradîs, il ream dai cîi e la gnove tiere"
da "I mosaics de basiliche di Aquilee" di Giovanni Battauz, Flavio Cossar, Renato Iacumin
"il ream smavît e misteriôs dai muarts"
da "Il dolfin" di Carlo Sgorlon
ream s.m.
(re-am)
Lûc dominât o caraterizât di alc (fig.)
esempi
"la Mont Grande [...] e cjalave il paîs dal alt dal so ream imerzût tal celest"
da "Cretevierte" di Roberto Ongaro
ream s.m.
(re-am)
[CO] (biol.) Ognidune des grandis categoriis tassonomichis che si divît il mont che al vîf e il mont minerâl, ven a stâi Animâi, Vegjetâi, Foncs, Protiscj e Moneris, o par altris classificazions Animâi, Vegjetâi, Foncs, Cromiscj, Protozous e Bateris
esempi
"par Malthus la popolazion umane e cres di continui fintremai che lis risorsis di aliments a son suficientis; po dopo, i plui disvantazâts a son destinâts a socombi. La intuizion di Darwin e ste tal slargjâ chest model de societât umane ai reams vegjetâl e animâl"
da "La evoluzion su la tiere. Une storie di competizion e cooperazion" di Angelo Vianello
Torna in Cima