SuperDizionari

monolingue

regâl s.m.
(re-gâl)

Ce che si da, spec. in segn di afiet, di amistât, di ringraciament e v.i.

sinonimi

presint, don

esempi

"«Se o sarês brâfs, il Signorin us picjarà culì i siei regâi di Nadâl… ma brâfs, eh? se no nuie…»"

da "Nadâl ancje par Gjelmin" di Pieri Menis

"la ligrie e rivave simpri cun Miutine cussì cjamade di regâi par ducj e di tabac pal pari"

da "Cjase di Dalban" di Maria Forte

regâl s.m.
(re-gâl)

Robe, situazion une vore agradide, che e fâs plasê (fig.)

esempi

"vuestri pari [...] mi à dit che sês tornât de France e che la vuestre compagnie e sta ben, i vês fat un regalon di vignî a passà Nadâl in famee"

da "Gnot di Nadâl" di Pieri Somede dai Marcs

proverbi

"cuant che al burle il fûc, o forescj o regâi o peteçs"

"la nêf prin di Nadâl e je dute di regâl"

Torna in Cima