SuperDizionari

regolâr adi.
(re-go-lâr)

Che al è daûr des regulis, che nol è cuintri di regolaments o sim.

sinonimi

coret, just

esempi

"al jere un afâr dut regolâr, cun tant di permès e cun tant di tabele disore de buteghe"

da "Il lôf" di Fabian Ros

"un toc che al pare il Re dal atac di un toc aversari, no si à di movilu parcè che al metarès il Re sot scac e cheste no je une mosse regolâr"

da "Zuìn di scacs" di Nilde Teresa Negro

Vedi anche: regulâr

regolâr adi.
(re-go-lâr)

Che nol è strani o straordenari o ecezionâl

sinonimi

canonic, normâl, just, naturâl, ordenari

esempi

"i controi a vignaran eseguîts di bande di agjents in regolâr servizi di patulie"

da "Slovenie, vie libare tal confin" di Alessio Potocco

regolâr adi.
(re-go-lâr)

Che al sucêt o che al agjìs cuntun ordin e cuntune periodicitât simpri compagns o scuasi compagns

sinonimi

costant, puntuâl, ordenât

esempi

"lis manovris di fâ par mantignî une rote regolâr e sigure"

da "Contis sot spirt" di Raffaele Serafini

"al jere un client de ostarie, che al vignive regolâr la sabide di sere e la domenie dopomisdì a fâ la partide"

da "Prime di sere" di Carlo Sgorlon

regolâr adi.
(re-go-lâr)

Proporzionât, simetric, cence elements di disarmonie

esempi

"al veve la piel scure e la linie de muse regolâr di frut che e sameave piturade cul pinel"

da "Un incjant colât intor" di Stefano Gasti

regolâr adi.
(re-go-lâr)

[TS] (gram.) Che al va daûr di un paradigme prevedibil

esempi

"gjenerâ cuntun procediment automatic e sistematic dutis lis formis regolârs di ogni leme"

da "Memoriis di politiche linguistiche" di Adrian Cescje

regolâr adi., s.m.
(re-go-lâr)

[TS] (milit.) Militâr incuadrât intun esercit ricognossût, daûr des leçs locâls e internazionâls

regolâr adi.
(re-go-lâr)

[TS] (ecl.) Di organizazion dentri de Glesie, che e seguìs une regule aprovade de Glesie

monolingue