SuperDizionari

religjon s.f.
(re-li-gjon)

Complès di crodincis e rituâi e v.i. dedicâts dai oms a di une o plui entitâts sorenaturâls, spec. une o plui divinitâts

sinonims

crodince, fede, religjositât, credo

esemplis

"i nestris vons a àn vivude la religjon cun chê culture che a vevin, cun chel mût di sintî che a vevin, a lôr mût"

gjavât fûr di "Il popul furlan al à ancjemò nostalgjie des robis bielis e santis" di Francesc Placerean

"la Europe civîl, là che ognun al jere libar di fevelâ la sô lenghe, di professâ la sô religjon, di vivi la sô culture"

gjavât fûr di "Franz Josef e Garibaldi" di Riedo Pup

"pre Gjilbert Pressac al è stât un dai plui grancj studiôs de religjon cristiane aquileiese e de musiche furlane antighe"

gjavât fûr di "Benandants e Terapeutis / Terapeutidis" di Sandri Carrozzo

religjon s.f.
(re-li-gjon)

Te scuele, materie e lezion li che si insegnin lis fondis dal cristianisim e dal câs ancje di altris crodincis

esemplis

"lu vevi preseât tant che inteletuâl di prin ordin cuant che lu vevi vût professôr di religjon al liceu"

gjavât fûr di "Memoriis di politiche linguistiche" di Adrian Cescje

"la mê opinion e je che il furlan al vebi di jentrâ tal orari obligatori tant che la religjon"

gjavât fûr di "I dîs agns de leç n. 482/99" di Silvana Fachin Schiavi

religjon s.f.
(re-li-gjon)

Rispiet profont par alc, ancje se nol à a ce viodi cu lis divinitats

esemplis

"al à metude simpri tante dedizion e energjiis tal fevelâ e scrivi ben tal unic talian che al dopre, [...] chel standard [...], daûr des sôs bielis regulis ortografichis e gramaticâls imparadis a scuele, che al rispiete cun religjon"

gjavât fûr di "Memoriis di politiche linguistiche" di Adrian Cescje

religjon s.f.
(re-li-gjon)

Convinzion, passion, venerazion, devozion, ancje ossessive, par alc o cdn.

sinonims

adorazion, amôr, considerazion, mît, rispiet, rivuart, sudizion, venerazion, fede

esemplis

"si inacuarzaran tal tossi, i biâts fedêi de religjon nazionalistiche"

gjavât fûr di "Su altris fondis" di Josef Marchet

"Torero che, pa la Vana, al veva una di chê religjons che a na si distrudin"

gjavât fûr di "Torero" di Novella Cantarutti

monolengâl