SuperDizionari

crodince s.f.
(cro-din-ce)

Fede religjose o concezion che si à su alc di sorenaturâl

sinonims

confession, religjon, credo

esemplis

"in Friûl e à di vê durât un biel pieç la religjon celtiche e cualchi vanzum di chês crodincis e pratichis al restà ancje dopo che il popul le veve bandonade"

gjavât fûr di "Cuintristorie dal Friûl fin sot la Italie" di Josef Marchet

"lis comunitâts cristianis di chê volte a jerin dividudis e a vevin ancje crodincis une vore diferentis une cun chê altre"

gjavât fûr di ""Tata, ma chês a son stelis"" di Sandri Carrozzo

Viôt ancje: credince

crodince s.f.
(cro-din-ce)

Robe che si crôt, che si pense

sinonims

idee, opinion, convinzion

esemplis

"al è impuartant scancelâ la crodince popolâr che il nestri mont ocidentâl al sedi il plui agressîf"

gjavât fûr di "Autonomie e democrazie, i numars de socializazion umane" di Franc Fari, Eric Pascul

crodince s.f.
(cro-din-ce)

Il fidâsi di cdn. o di alc

sinonims

credit, fede, fiducie

esemplis

"mi disè che chel che no i da crodince al so guvier, al è un che no lu stime e che chei che no stimin il Fassio a son nemîs da la Italie"

gjavât fûr di "Il muc" di Roberto Ongaro

monolengâl