SuperDizionari

repart s.m.
(re-part)

Part autonome o in cualchi maniere individuade di un complès organizât, soredut produtîf

esempi

"l'implant produtîf, di plui o mancul 5.000 metris cuadris, si cjate inte zone industriâl di Palme e al è componût di trê reparts produtîfs: produzion pes [...]; produzion cjar [...]; cusine pe lavorazion dal foie gras"

da "Jolanda Di Colò: aziende locâl agroalimentâr in evoluzion continue" di Claudia Sacilotto

"al veve imparât il cjaliâr i agns che al à sorestât un repart tune fabriche di scarpis"

da "Storie di Vera" di Ivano Urli

repart s.m.
(re-part)

[TS] (milit.) Cualsisei unitât organiche che e je part di une unitât plui grande

esempi

"dispès si incrosavin cun reparts di soldâts che a lavin al front o cun caravanis di ferîts"

da "Chei di Muraie" di Pieri Menis

"dut il so repart al tornave al front, su la Plâf, dulà che al jere scomençât il cuintriatac talian"

da "Il muc" di Roberto Ongaro

repart s.m.
(re-part)

Grup di personis che a àn plui o mancul la stesse funzion, che a fasin insiemi une cierte ativitât (fig.)

esempi

"i blancs e neris a rinfuartissin il lôr repart ofensîf, però il Toro si organize ben indaûr e pe scuadre furlane lis ocasions par tirâ in puarte a son pocjis"

da "Udinese – Torino 0-1" di Marc Stolf

monolingue