Hai cercato la parola
monolingue
Torna indietro

monolingue

reson s.f.
(re-son)
Facoltât inteletive di poni relazions logjichis e ordenadis tra lis ideis
sinonimi
cerviel, cjâf, logjiche, ment, pinsîr, razionalitât
esempi
"al jere a mieze strade tra la smanie che lu puartave vie e la reson che lu stratignive a pensâ su lis robis"
da "Par stradis lungjis" di Alan Brusini
"la «patrie» e je une cuistion di cûr e no di cerviel, di fede e no di reson"
da "La man e la arme" di Josef Marchet
Vedi anche: rason, roson
reson s.f.
(re-son)
[TS] (filos.) In Sant Tomâs, facoltât dal om di argomentâ in oposizion a chê di intuî
reson s.f.
(re-son)
Spec. tal pl., argomentazion logjiche, che si dopre par sapontâ une cierte tesi (ancje fig.)
sinonimi
argoment, cantin
esempi
"no si mostrà masse convint de cjacarade dal fi e lu invidà a spiegâi miôr lis sôs resons"
da "La cjase di Toni" di Tarcisio Venuti
"no varès molât par nissune reson di chest mont"
da "Trê feminis" di Gianni Gregoricchio
"cualis resons podevie tirâ fûr a sô discolpe?"
da "I forescj" di Alan Brusini, Gian Paolo Linda
reson s.f.
(re-son)
Fonde e fuarce di un sintiment, di un compuartament, di un fenomen e v.i.
sinonimi
base, fonde
esempi
"nissune reson, ni storiche, ni economiche, ni culturâl, ni folcloristiche e valarà tant a tignî vive la personalitât dal popul furlan come la lenghe"
da "La fuarce dal nestri lengaç" di Josef Marchet
reson s.f.
(re-son)
Spec. tal pl., cause o fin di une azion
sinonimi
cause, fin, finalitât, motîf
esempi
"lis resons che a àn segnât la fin de iluminazion a gas a son stadis pluitost leadis al pericul di incendi e al incuinament"
da "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini
"la prime reson di cheste celebrazion di usgnot e je la setemane di preieris par la unitât dai cristians"
da "Pe unitât di glesie in Friûl" di Francesc Placerean
reson s.f.
(re-son)
Ce che al è just, vêr, daûr dal dirit
esempi
"à dit l'avocat che nol cjate resons te vuestre cjarte"
da "Mabile la Lunghine" di Maria Forte
proverbi
"cuant che a fevele la fuarce, a tâs la reson"
"cuant che no zove la reson, si dopre il baston"
"cui che al à bêçs al à reson"
"cui che al à plui fuarce al à plui reson"
"cui che al à reson al à pôre, cui che al à tuart al spere"
"cuintri la fuarce no vâl reson"
"la passion e scjafoie ancje la reson"
"la reson dai prepotents a sta su la bocje dai canons"
"la reson e je une sole"
"ni par tuart ni par reson no stâ lassâti meti in preson"
"nol baste vê reson, bisugne fâle intindi"
"par tuart o par reson al è simpri mâl lâ in preson"
"pari e paron a àn simpri reson"
Torna in Cima