SuperDizionari

ribati v.tr., v.intr.
(ri-ba-ti)

Tornâ a bati o bati plui voltis

esemplis

"lis ondis, sostignudis dal aiar, a batin e ribatin cuintri la panze de barcje, fasintle drindinâ"

gjavât fûr di "Fantasie" di Fabio Titoto

ribati v.tr.
(ri-ba-ti)

Soredut in zûcs o sports, butâ indaûr, indreçâ la bale o sim. viers de part dal cjamp di cui che le à batude

sinonims

butâ indaûr, rimandâ

ribati v.tr.
(ri-ba-ti)

Dâ une rispueste in contrast cun ce che al à dite cdn. altri

sinonims

cuintribati, replicâ, rispuindi

esemplis

"e jê a dîi che al fasès, alore, a so mût. E lui a ribatii che nol coventave che jê si impaçàs cun conseis che no i coventavin"

gjavât fûr di "Rispiets" di Meni Ucel

"Beltram al veve bielzà vierte la bocje par ribati, ma il vieli Bastian lu blocà cuntun sest sec de man"

gjavât fûr di "Trê feminis" di Gianni Gregoricchio

ribati v.tr.
(ri-ba-ti)

Tornâ a dî plui voltis, sostignî plui voltis un argoment o sim. (fig.)

sinonims

bati, tornâ a bati

esemplis

" nol faseve il plui piçul sfuarç par fâ tasê la femine, cuant che e scomençave a bati e ribati il stes claut e a scolâsi di flât"

gjavât fûr di "Cjase di Dalban" di Maria Forte

"un pape dûr, che no si lasse pleâ di nissun [...] cuant che si trate di ribati i principis de fede e de morâl"

gjavât fûr di "Gloriis e limits di un lunc pontificât" di Antoni Beline

ribati v.tr.
(ri-ba-ti)

[TS] (tecn.) Stuarzi la ponte di un claut o sim. che al ven fûr e tornâ a batile te direzion contrarie

ribati v.tr.
(ri-ba-ti)

[TS] (sart.) Splanâ une cusidure cuntun fier cjalt o rinfuarcîle cuntune seconde cusidure daspò di vê pleât l'ôr par dentri

ribati v.intr.
(ri-ba-ti)

In particolâr di sun o imagjin o sim., jessi mandât indaûr di une superficie

sinonims

bati, rifletisi, rivocâ

esemplis

"alore e sunà la cjampane grande de plêf, e po dutis chês altris, a ribatevin fin ca sù insom, a rintronavin il paîs"

gjavât fûr di "La aghe da pît la cleve" di Dino Virgili

monolengâl