Hai cercato la parola
monolingue
Torna indietro

monolingue

riclamâ v.tr.
(ri-cla-mâ)
[BF] Clamâ cdn. di gnûf o plui voltis, o, ancje cence ripetizion, clamâ o fâ tornâ, ancje cence ripetizion, cdn. che al è lontan
esempi
"il pape al veve denunziât lis tratativis che Rotgaut al tignive par riclamâ Adalgjîs e par solevâ i duchis che si vevin sometûts a Carli"
da "Rotgaut e la politiche furlane langobarde" di Sandri Carrozzo
Vedi anche: reclamâ
riclamâ v.tr.
(ri-cla-mâ)
Clamâ une altre volte in servizi militâr cdn. che al jere in congjêt o in licence
esempi
"propit in chê sere, rivant a cjase, Matie al cjapà une cartuline colôr rose. Al jere riclamât"
da "Sul agâr" di Pieri Menis
riclamâ v.tr.
(ri-cla-mâ)
[TS] (venat.) Di uciel o dispositîf, fâ in mût che si svicinin uciei, di mût che a puedin jessi cjapâts (ancje ass.)
riclamâ v.tr.
(ri-cla-mâ)
Di cdn. o ancje di alc, causâ interès, in particolâr svicinâ visitadôrs o clients interessâts
esempi
"l'orloi dal municipi al riclame simpri tante intone e dopo che des barconetis a àn sfilât lis statuis dai sants ducj a batin lis mans"
da "Praghe, "mater urbium"" di Checo Tam
riclamâ v.tr.
(ri-cla-mâ)
Fâ che cdn. si visi di alc o di cdn. (fig.)
sinonimi
visâ, ricuardâ
esempi
"la liturgjie che o stin fasint e riclame chê robe chi. E riclame prin di dut il fat che Crist al è resurît"
da "Crist resurît al colme dute la sperance dal om" di Francesc Placerean
riclamâ v.tr.
(ri-cla-mâ)
Racomandâ di tignî une cierte maniere di compuartâsi, censurâ compuartaments negatîfs (fig.)
esempi
"Carli Pataf, conseîr comunâl, al veve in consei il vizi di spudâ. Si voltave viers çampe e plaf, une spudade daûr chê altre, saldo tal stes puest. Alore il sindic, dopo vêlu riclamât une vore di voltis, al fâs meti sul puest une spudacjere"
da "Amîs come prime" di Alan Brusini
riclamâ v.tr.
(ri-cla-mâ)
Domandâ che si rispieti un dirit o une prerogative, pretindi che si cjapi un proviodiment
esempi
"ca no l'è il lûc di fevelâvi di Godwin e del so progjet, che riclamà un gnôf pat sociâl"
da "Il me paîs" di Federigo Comelli
"riclamâ dirits in presince di situazions societariis falimentârs"
da "La Argjentine no je in licuidazion" di Renzo Balzan
Torna in Cima