SuperDizionari

ridot adi.
(ri-dot)

Che si cjate intune cierte cundizion, situazion, forme e v.i., soredut negative

esempi

"al va sù adalt, al cjape so pari, che al jere ridot nome un sac di vues, lu puarte abàs"

da "Il mestri sore ducj i mestris" di Luigi Gortani

"al è agns che i Clevis a son ridots in trê scotâts, là, e il famei"

da "La aghe da pît la cleve" di Dino Virgili

"al è ridot a sterps chel puar cjamp"

da "Cjase di Dalban" di Maria Forte

ridot adi.
(ri-dot)

Che al à vût une diminuzion di dimensions, di cuantitât, di numar, di valôr e sim.

esempi

"l'om al veve di jentrâ tun altri mont di gjonde; di dirits simpri plui sofisticâts pretindûts e sodisfats; e di dovês simpri plui ridots e pussibilmentri svuincâts"

da "Furlans: alt, no cussì!" di Riedo Pup

ridot adi.
(ri-dot)

[TS] (mec.) Di part mecaniche mobile, soredut di ruede, che e je in rapuart cun altris plui grandis

esempi

"un complicât sisteme di ingranaçs di len e di tirants di cuarde, comandâts di une manuele, cuntun volan e cuntune moltipliche tant ridote , di no fâ nissune fadie a zirâju"

da "Siôr Celso e mister Donald" di Riedo Pup

ridot adi.
(ri-dot)

[TS] (chim.) Di element, che al à cuistât un o plui eletrons

monolingue