Hai cercato la parola
monolingue
Torna indietro

monolingue

ridusi v.tr.
(ri-du-si)
Puartâ a une dimension, misure, cuantitât, intensitât plui piçule
sinonimi
calâ, mandâ jù, diminuî, sbassâ, staronzâ, strenzi, taiâ
esempi
"si jere rivâts a ridusi in progression il numar dal personâl, fin a lassânt dome doi di lôr"
da "Kebar krossè" di Stiefin Morat
"a partî dai prins agns '80, si è rivâts a ridusi une vore lis emissions in atmosfere di solfar"
da "Clime e incuinament: prime l'ûf o la gjaline?" di Dario Bianchini Giaiotti, Fulvio Stel
ridusi v.tr.
(ri-du-si)
Fâ che alc al cambii di forme, consistence e sim.
sinonimi
fâ, parâ
esempi
"lessâ lis fueis di guselâr in aghe salade, passâlis pe passadorie di cusine, ridusintlis in purè"
da "Jerbis salvadiis inte cusine furlane" di Giorgio Pascoli
"Zebec al veve sudât sanc par butâ jù un cjastinâr [...] par seâlu e sclapâlu, par strissinâlu fûr dal bosc [...] par ridusilu in sclops e par meti in tasse, tal ultin, i sclops"
da "Zebec" di Meni Ucel
ridusi v.tr.
(ri-du-si)
Puartâ a un ciert compuartament
sinonimi
costrenzi, indusi, convinci, puartâ, pleâ
esempi
"nissun al fo bon da ridusi il vecju a tornâ jù ta la vila"
da "La aga di Plan da li steli" di Novella Cantarutti
ridusi v.tr.
(ri-du-si)
Tornâ a scrivi un test intun altri gjenar o forme
sinonimi
adatâ, meti, rangjâ, voltâ
esempi
"par ridusi in forme resonade e coerente ce che nus mandin i nestris amîs, nus tocje par solit di tornâ a scrivi dut di plante fûr"
da "Dome un rimiedi par salvâ il furlan: insegnâlu tes scuelis" di Josef Marchet
ridusi v.tr.
(ri-du-si)
[TS] (chir.) Tornâ a meti un orghin in cundizions normâls
esempi
"ridusi une ernie"
"ridusi une frature"
ridusi v.tr.
(ri-du-si)
[TS] (chim.) Fâ che e sucedi une reazion di riduzion, ven a stâi, gjavâ ossigjen a un compuest (ancje ass.)
ridusi v.tr.
(ri-du-si)
[TS] (mat.) Eseguî operazions par vê la forme plui semplificade di une espression matematiche, lavorant su sumis di monomis, frazions e ecuazions
ridusi v.tr.
(ri-du-si)
[TS] (metrol.) Fâ passâ un numar di une unitât di misure a chê altre o metilu intun sisteme di misure diferent
sinonimi
voltâ
Torna in Cima