Tu âs cirût la peraule
monolengâl
torne indaûr

monolengâl

riduzion s.f.
(ri-du-zi-on)
Il deventâ o il fâ deventâ minôr, plui piçul, plui curt, plui lizêr, plui debil, plui scjars e v.i.
esemplis
"nol rivave mai a parâ jù il debit e ni a fermâlu. E nol veve nancje coragjo di domandâ une riduzion"
gjavât fûr di "Vigji Brusin" di Riedo Pup
"tai ultins timps la riduzion des stazions invernâls e je stade dal 37%"
gjavât fûr di "Pe nêf 40 milions di euros" di Luche Nazzi
riduzion s.f.
(ri-du-zi-on)
Il puartâ o il tornâ a puartâ alc in ciertis cundizions, soredut in cundizions che a sedin buinis par une cierte finalitât
esemplis
"la riduzion des diferentis pronunziis furlanis a di une grafie unitarie e vierç putrops problemis"
gjavât fûr di "La grafie furlane normalizade" di Xavier Lamuela
riduzion s.f.
(ri-du-zi-on)
Il trasformâ, l'adatâ alc par un ûs diviers, soredut un test, un componiment o sim. intun altri gjenar o intune altre forme
sinonims
adatament
esemplis
"a jessi ricognossudis cuntun prin premi ex-aequo, a son stadis dôs voris di animazion [...]: "Il frut tal sac", tirât fûr di une flabe furlane e "Il princip bambin" une riduzion dal “Piçul princip” di Saint-Exupéry"
gjavât fûr di "Al vinç √3 di Bianchini" di Fabian Ros
riduzion s.f.
(ri-du-zi-on)
[TS] (cartogr.) Rapuart di proporzion jenfri la rapresentazion di alc e ce che al è rapresentât
riduzion s.f.
(ri-du-zi-on)
[TS] (mat.) Ogni scriture ecuivalente che e permet di semplificâ pal calcul la scriture di une espression di operazions o ecuazion
riduzion s.f.
(ri-du-zi-on)
[TS] (chir.) Ogni intervent par tornâ a meti inte sô sede un vues fraturât o discuinçât, o une ernie
riduzion s.f.
(ri-du-zi-on)
[TS] (chim.) Acuisizion di un o plui eletrons, passaç di un stât di ossidazion plui alt a un plui bas
sinonims
deossidazion, desossidazion, disossidazion
torne sù