SuperDizionari

rilevâ v.tr.
(ri-le-vâ)

[BF] Dâ rilêf, puartâ insù o infûr rispiet a une superficie o a une base

sinonimi

tirâ fûr, tirâ sù

esempi

"rilevâ une figure tun sfuei di ram"

rilevâ v.tr.
(ri-le-vâ)

Osservâ cun atenzion

sinonimi

notâ, osservâ, cjapâ at, constatâ

esempi

"e us baste a dî, ne us conti une imposture, / che da un codiç antîc ai rilevât / che plui di un mus l'à fat il leterât"

da "Il mus" di Pieri Çorut

"un câs come chest mi à tocjât di rilevâlu in Gjapon. Propit come culì: i cjans plens di rabie"

da "Il compromesso" di Riedo Pup

rilevâ v.tr.
(ri-le-vâ)

Documentâ cun precision, cjapant note di dâts o carateristichis

sinonimi

notâ, cjapâ sù, tirâ jù, tirâ sù

esempi

"in plui di rilevâ la frecuence des formis, però, si à rilevât ancje la frecuence dai lemis"

da "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot

rilevâ v.tr.
(ri-le-vâ)

Notâ e fâ notâ

sinonimi

notâ, rimarcâ, sotlineâ, visâ, osservâ

esempi

"a son impuartants personaçs de culture furlane come Adrian Cescje che a àn rilevade une incoerence rispiet a cemût che il dizionari al jere stât pensât [e cemût che al è stât stampât]"

da "Interviste a Lorenzo Zanon" di Walter Tomada

rilevâ v.tr.
(ri-le-vâ)

Cjapâ il puest di altris tun contrat o tune ativitât

sinonimi

cjapâ sù

esempi

"il ristorant al è stât rilevât di un paron gnûf"

monolingue