SuperDizionari

rimpinâsi v.pron.intr.
(rim-pi-nâ-si)

Lâ sù par alc che al è plui o mancul verticâl fasint fuarce sedi cui pîts che cu lis mans, o tal câs di une bestie doprant dutis lis çatis

esempi

"rimpinâsi par un mûr e saltâ jù di là tun rondolon"

da "La aghe da pît la cleve" di Dino Virgili

"i plui bulos, par rifâsi, intun moment si rimpinavin sul rôl par viodi plui lontan di nô"

da "Messe a Sant Zuan" di Lucio Perès

"a Pâl Piçul, si combateve rimpinantsi sui crets, tarombolantsi te nêf deventade rosse di sanc, semenade di muarts e di ferîts"

da "Funerâl a Pâl Piçul" di Pieri Menis

Vedi anche: rampinâsi

rimpinâsi v.pron.intr.
(rim-pi-nâ-si)

Montâ su alc che al è ad alt, in gjenar cjapantsi ancje cu lis mans

esempi

"si rimpinà su la carete e il mûl lu puartà a Glemone"

da "I zimuluts dal Çuet" di Riedo Pup

rimpinâsi v.pron.intr.
(rim-pi-nâ-si)

Di plantis, cressi cjapantsi tun mûr, tun sostegn o tune altre plante

esempi

"sù pe loze si rimpine une vît a piergule"

da "Ursule" di Pieri Somede dai Marcs

"sù pal cjanton dal casel si rimpinave un garofolâr"

da "La aghe da pît la cleve" di Dino Virgili

rimpinâsi v.pron.intr.
(rim-pi-nâ-si)

Lâ di rive sù, massime par une rive erte

sinonimi

strissinâsi

esempi

"par rivâ là sù, dal Pas, si rimpinavisi par un canalon che al vignive jù come un slambri de «cupule» parsore vie e dulà che i secui a vevin ingrumât maseriis di claps. Li i alpins a vevin vierte une stradele"

da "La vuere sul Freikofel" di Pieri Menis

"“Il gno ronc al è là sù adalt - al veve dite Firmato. - O ti menarès, ma si scuen rimpinâsi a pît e il troi al è dut un pantan""

da "Îr e doman" di Gianni Gregoricchio

rimpinâsi v.pron.intr.
(rim-pi-nâ-si)

Fâ une cualsisei azion che e puedi corispuindi a alc che al covente par rivâ ad alt (fig.)

esempi

"[cjantant] si rimpinave pes notis plui che al podeve"

da "Pre Pitin" di Antoni Beline

rimpinâsi v.pron.intr.
(rim-pi-nâ-si)

Tacâsi a un pretest o a une scuse (fig.)

esempi

"Triest nol po nancje rimpinâsi sù pai stocs de tradizion storiche, che Vignesie e cirive di tirâ in bal [par tignî sot il Friûl]"

da "Sot di nissun" di Josef Marchet

monolingue